छत्तीसगढ़िया ओलंपिक 2022 सुरू करिस मुख्यमंत्री भूपेश बघेल, पारंपरिक खेल ल बढ़ावा दे खातिर 6 अक्टूबर ले 6 जनवरी तक होही प्रदेस भर म आयोजन..., अंजोर छत्तीसगढ़ी म पढ़व पूरा खबर

अंजोर.रायपुर। छत्तीसगढ़ के संस्कृति तीज त्यौहार, लोक संस्कृति, लोक कला ल बढ़ावा दे के बाद अब छत्तीसगढ़ के पारंपरिक खेल ल तको वैश्विक पहचान देवाये के खातिर छत्तीसगढ़िया ओलंपिक के सुरू हो चुके हावय। मुख्यमंत्री भूपेश बघेल ह आज सरदार बलवीर सिंह जुनेजा इनडोर स्टेडियम म येकर सुरू करिस। मुख्यमंत्री ह दीप प्रज्ज्वलन करके छत्तीसगढ़िया ओलंपिक खेल के सुरू करिस। ए मउका म ओमन किहिन के छत्तीसगढ़ के संस्कृति अउ सभ्यता अउ विशिष्ट पहचान इहां के ग्रामीण परंपरा अउ रीति रीवाज ले हावय। एमे पारंपरिक खेल के बिसेस महत्ता हावय। पाछु कुछ साल म छत्तीसगढ़ के ये खेल ल लोगन भूलत जात रिहिस। खेल के चिरस्थायी रखे, आने वाला पीढ़ी ल अवगत कराये के खातिर छत्तीसगढ़ियां ओलंपिक खेल के सुरू के गे हावय। छत्तीसगढ़ के ये खेल मनोरंजक होए के संग संग स्वास्थ्य के खातिर तको लाभदायक हावयं।

ग्रामीण क्षेत्र म ये खेल ले बच्चे, बुजुर्ग अउ युवा सबो व्यायाम उक शारीरिक गतिविधी ले जुड़े हावयं। मुख्यमंत्री ह किहिन के छत्तीसगढ़ के संस्कृति के बढ़ावा दे के खातिर खेलकूद के तको बढ़ावा दे जात हावय। छत्तीसगढ़िया ओलंपिक खेल ले राज्य के हर गांव, हर ब्लाक अउ हर जिला म स्थानीय खेल के आयोजन होही। ए मउका म मुख्यमंत्री बघेल ह छत्तीसगढ़िया ओलंपिक खेल के जानकारी दे वाला ब्रोशर के तको  विमोचन करिन।

छत्तीसगढ़िया ओलंपिक के सुरू मउका म खेल मंत्री उमेश पटेल ह किहिन के ये मुख्यमंत्री भूपेश बघेल के सोच हावय के छत्तीसगढ़िया संस्कृति के आगू बढ़ाना हावय। ओमन किहिन के अइसे प्रयास अभी तक कोनो ह नइ करिन। पहिली बार ये प्रयास मुख्यमंत्री भूपेश बघेल करे हावयं। छत्तीसगढ़ी भाषा, खानपान, लोक कला, संस्कृति, खेलकूद के बढ़ावा दे अउ ओला छत्तीसगढ़ के बाहिर तको पहचान देवाये के खातिर सरकार पूरा रकम ले प्रयासरत हावय। खेल मंत्री ह किहिन के सरकार के प्रयास सफल तको होवत दिखत हावयं। बोरे बासी खाना के अभियान के देश बिदेस म पहचान मिले हावय। अब छत्तीसगढ़िया खेल तको अपन पहचान बनाही।

छत्तीसगढ़िया ओलंपिक खेल के सुरू मउका म कृषि मंत्री रविन्द्र चौबे, गृह मंत्री ताम्रध्वज साहू, वन मंत्री मोहम्मद अकबर, नगरीय निकाय मंत्री डॉ शिवकुमार डहरिया, संसदीय सचिव विकास उपाध्याय, महापौर ऐजाज ढेबर, छत्तीसगढ़ गृह बनाये मडल के अध्यक्ष कुलदीप जुनेजा, राज्य महिला आयोग के अध्यक्ष डॉ. किरणमयी नायक, विधायक सत्यनारायण शर्मा, जिला पंचायत अध्यक्ष श्रीमती डोमेश्वरी वर्मा, युवा आयोग के अध्यक्ष जितेन्द्र मुदलियार सहित अपर मुख्य सचिव श्रीमती रेणु पिल्ले, सुब्रत साहू, सचिव खेल नीलम नामदेव एक्का अउ संचालक खेल श्रीमती श्वेता सिन्हा सहित बड़ संख्या म खिलाड़ी अउ गणमान्य नागरिक तको