अंजोर.नारायणपुर। मीडिया म प्रकाशित खबर अज्ञात बीमारी ले लोगन के मृत्यु के संदर्भ म कलेक्टर के निर्देशन म मुख्य चिकित्सा अउ स्वास्थ्य अधिकारी के डहर ले गठित स्वास्थ्य अमला बीते दिन स्थिति के जायजा ले खातिर घना जंगल, नदी-नाल अउ उबड़-खाबड़ रद्दा पगडंडी ले होके नक्सल प्रभावित गांव पीडियाकोट, रेकावाया, डूंगा, घोट अउ लंका गांव पहुंचिस। उहां पहुंच के स्वास्थ्य अमला ह लोगन ले वास्तविक स्थिति के जानाकरी लिस अउ आन बीमारी ले पीड़ित गांव वाला के उपचार करिन अउ जरूरी दवई दीस। येकर अलावा आने-आने मौसमी बीमारी ले बचाव के उपाय सुझाइस। स्वास्थ्य टीम डहर ले ये गांव म शिविर लगाके गांव वाला के स्वास्थ्य परीक्षण तको करिन।
अज्ञात बीमारी ले मृत्यु के संदर्भ म जानकारी ले म मुख्य चिकित्सा अउ स्वास्थ्य अधिकारी ह बताइन के जिला के ये गांव म अइसे कोनो तको अज्ञात बीमारी ले कोनो ग्रामीण के मृत्यु नइ होए हावय। ओमन बताइन के बीते जून महीना म 4 गांव वाला के मृत्यु हाथ गोड़ म सूजन, कमजोरी, एक सप्ताह ले बीमार, अचानक मृत्यु के सेती होए हावय। उहें महीना जुलाई म 2 गांव वाला के मृत्यु होइस, जेमा लंबा समय ले बीमार अउ कमजोर अउ बुजुर्ग होए के सेती होए हावय। एक मनखे के मृत्यु अगस्त म होए जेन के कैंसर ले पीड़ित रिहिस। येकर अलावा 4 मनखे मन के मृत्यु सितम्बर महीना म होए हावय, जेमे एक उम्रदराज होए के कारण, एक पानी म डूबे ले अउ एक के डहर ले आत्महत्या करे अउ एक मनखे के मृत्यु निमोनिया ले होए हावय।
स्वास्थ्य अमला डहर ले गांव म पहुंच के 110 गांव वाला के करे गिस स्वास्थ्य परीक्षण
मुख्य चिकित्सा अउ स्वास्थ्य अधिकारी डहर ले गठित दल ह पीडियाकोट, रेकावाया, डूंगा, घोट अउ लंका गांव पहुंच के गांव म सबोच घर म दस्तक देके उहां कोनो तको रकम ले के बीमारी ले पीड़ित मनखे के जानकारी लिस। जेन घर म बीमार ग्रामीण पाये गे उंकर स्वास्थ्य परीक्षण करिन। ए बखत 9 मलेरिया पॉजिटिव मनखे तको मिलिस। स्वास्थ्य अमले डहर ले लगाये गे ए स्वास्थ्य शिविर म कुल 110 गांव वाला के स्वास्थ्य परीक्षण करे गिस। जिसमंे सर्दी-खांसी, बुखार, दस्त, सूजन, कमजोरी जइसे मरीज मिले मरीज मन के स्वास्थ्य जांच करत होइस जरूरी दवई अउ स्वास्थ्य सलाह दीस गे। अज्ञात बीमारी ले ग्रसित मनखे के सूचना मिले म उन मनखे मन के जांच ले पता चले के कोनो तको ग्रामीण के अज्ञात बीमारी नइ हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।