भारतीय बैडमिंटन खिलाड़ी ईशान भटनागर करिस मुख्यमंत्री भूपेश बघेल ले मुलाकात

अंजोर.रायपुर। मुख्यमंत्री भूपेश बघेल राजधानी रायपुर के पुलिस ग्राउण्ड हेलीपैड म भारतीय बैडमिंटन खिलाड़ी ईशान भटनागर ह सौजन्य मुलाकात करिस। मुख्यमंत्री ह भटनागर के सीएम ट्रॉफी इंडिया इंटरनेशनल चौलेंज बैडमिंटन प्रतियोगिता के पुरूष युगल श्रेणी म जीत म बधाई दीस।

जानबा होवय के छत्तीसगढ़ म बीते 20 सितम्बर ले मुख्यमंत्री ट्रॉफ़ी इंडिया इंटरनेशनल चौलेंज बैडमिंटन टूर्नामेंट के शुरुआत राजधानी रायपुर के मोवा के स्पोर्ट्स बैडमिंटन एरिना म होए रिहिस। ए बखत पुरुष एकल, महिला एकल, पुरुष युगल, महिला युगल अउ मिश्रित युगल श्रेणी म मैच खेलिस। एमे भारत समेत 12 देश के बैडमिंटन खिलाड़ी ह हिस्सा लिस। भटनागर राजधानी रायपुर के निवासी हावयं अउ अभी के बेरा म वो पुल्लेला गोपीचंद बैडमिंटन एकेडमी, हैदराबाद म प्रशिक्षण मिले रिहिन हावयं। भटनागर के बैडमिंटन मिक्स्ड डबल्स म वर्ल्ड रैंकिंग 30 अउ डबल्स म रैंकिंग 53 हावय।