अंजोर.भोपाल। जगद्गुरु शंकराचार्य स्वामी स्वरूपानंद सरस्वती के अब हमर नइ रिहिस। मिले आरो के मुताबिक जगद्गुरु शंकराचार्य स्वामी स्वरूपानंद सरस्वती के अंतिम संस्कार काली झोतेश्वर म साढ़े तीन बजे होही। दुवारका शारदा पीठ के शंकराचार्य स्वामी स्वरूपानंद सरस्वती के इतवार के निधन होगे. ओमन नरसिंहपुर (Narsinghpur) के झोतेश्वर स्थित परमहंसी गंगा आश्रम म साढ़े तीन बजे 99 साल के उमर म आखरी सांस लीस। आज रतिहा अउ काली आखरी दरसन खातिर देह ल रखे जाही। शंकराचार्य स्वामी स्वरूपानंद सरस्वती लंबा समय ले अस्वस्थ चलत रिहिस। काली आश्रम म ही समाधि देवाये जाही। परमपूज्य शंकराचार्य स्वामी स्वरूपानंद सरस्वती जी के ब्रह्मलीन होए के दुःखद खबर पारो देश, विदेश के भगत मन अनंत कोटि नमन अउ प्रणाम करत विनम्र श्रद्धांजलि अर्पित करे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।