अंजोर. रायगढ़। पुलिस अधीक्षक अभिषेक मीना के दिशा निर्देशन अउ एसडीओपी धरमजयगढ़ दीपक मिश्रा के मार्गदर्शन म प्रशिक्षु डीएसपी अउ प्रभारी थाना लैलूंगा सौरभ उईके डहर ले गुम नोनी मामला म अपन व्यवसायिक ज्ञान के बखूबी परिचय दे हावय, उंकर डहर ले नोनी गुम रिपोर्ट म तुरते कार्रवाई करत मात्र एक घंटा के भीतर नोनी अउ संदेही के पता लगाये गिस अउ संदेही ल आरपीएफ भुसावल के माध्यम ले पकड़वाया गिस । जेकर तुरते बाद एसपी रायगढ़ के निर्देशन म पुलिस टीम नोनी अउ संदेही बर भुसावल रवाना होइन। भुसावल के बाद जलगांव के बाल समिति पहुंचके अपहृत नोनी अउ संदेही ल रायगढ़ लाने गिस। नोनी के मुलाहिला उक के कार्रवाई पाछु आरोपी डहर ले नोनी ल बहला फुसलाके भगा ले जाये अउ उंकर संग शारीरिक संबंध स्थापित करना पाये जाये म आरोपी ल गिरफ्तार करके आज न्यायिक रिमांड म भेजे गे हावय।
मिले आरो के मुताबिक 20 सितंबर के 17 साल के नोनी के परिजन थाना लैलूंगा पहुंच के डीएसपी (प्रशिक्षु) सौरभ उईके के उंकर लड़की के बिहनिया उडद उखाडये खेत जाना अउ वापस नइ आना बताये गिस। गुम नाबालिग मामला ल गंभीरता पूर्वक लेवत घर वाला के रिपोर्ट म अज्ञात आरोपी के विरूद्ध अप.क्र. 276/2022 धारा 363 IPC के अपराध कायम करे गिस।
पीड़ित नोनी बताईन के 2021 ले आरोपी रामजीत नागवंशी पिता जीयतराम नागवंशी 22 साल निवासी कुकरगांव, थाना बागबहार जिला जशपुर ले जान पहचान होइस। आरोपी बिहाव करके पत्नी बनाके रखहूं कहके साल 2021 अक्टूबर महीना म शारीरिक संबंध स्थापित करिन अउ उंकर बाद ले सरलग शारीरिक संबंध बनात रिहिस। 19 सितंबर के बहला-फुसलाकर ले गे । आरोपी ले रेल्वे टिकट जप्त करके प्रकरण म धारा 366-क,376 भादवि अउ 4, 6 पॉक्सो एक्ट विस्तारित करके आरोपी के गिरफ्तार करके आज रिमांड म भेजे गे हावय। प्रोविजनल डीएसपी सौरभ उईके, थाना प्रभारी लैलूंगा के अगुवई म नोनी पतासाजी, आरोपी गिरफ्तारी कार्रवाई म सहायक उप निरीक्षक चंदन नेताम, प्रधान आरक्षक सुमेश गोस्वामी, आरक्षक जोन टोप्पो, महिला आरक्षक पूनम साहू के अहम भूमिका रेहे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।