Mungeli Police News : यातायात अउ कानून बेवस्था ल देखत सबो थाना के दुर्गा समिति के होइस बइठक

अंजोर.मुंगेली। जिला के सबो थाना/चौकी क्षेत्र म पर्यवेक्षण अधिकारी मन, थाना/चौकी प्रभारी डहर ले दुर्गा  समिति के बइठक लिस, जेमा दुर्गा उत्सेव बर सड़क म पंडाल, कोलाहल अधिनियम के तहत अनुमति बाद ही करार समयावधि अउ करार आवाज म ही साउंड सिस्टम बजाये बर निर्देशित करे गिस। आगजनी अउ आन कानून बेवस्था के स्थिति म तुरते सहयोग खातिर पंडाल म आयोजन समिति के कम से कम एक मनखे के रतिहा म रुके। पंडाल म अनिवार्य रूप ले सीसीटीवी कैमरा लगाये। यातायात बेवस्था बाधित न हो एकर बर गाड़ी ल व्यवस्थित पार्किंग बेवस्था बनाये अउ वॉलिंटियर नियुक्त करके उंकर माध्यम ले यातायात बेवस्था दुरूस्त करे बर निर्देशित करे गे हावय। अवैध विद्युत कनेक्शन के स्थिति म कोनो घटना होए म आयोजक वर्ग के विरूद्ध वैधानिक कार्यवाही करे  जाये के सम्बन्ध म अवगत कराइन।