बैडमिंटन के फाइनल म सामिल होही मुख्यमंत्री भूपेश बघेल : anjor samachar

अंजोर.रायपुर। छत्तीसगढ़ के राजधानी रायपुर म चलत मुख्यमंत्री ट्रॉफ़ी इंडिया इंटरनेशनल बैडमिंटन चैलेंज-2022 के फाइनल मैच काली 25 सितम्बर के खेले जाही। येकर संग ही ए बैडमिंटन टूर्नामेंट के समापन समारोह तको होही। बैडमिंटन टूर्नामेंट के समापन समारोह म मुख्यमंत्री भूपेश बघेल बतौर मुख्य पहुना शिरकत करही। उहें विशिष्ट पहुना पहिली ऑल इंग्लैंड बैडमिंटन विजेता गोपी चंद होही। जानबा होवय के छत्तीसगढ़ म पहिली बार बैडमिंटन के अंतरराष्ट्रीय स्तर के टूर्नामेंट के आयोजन करे जात हावय। ये आयोजन मुख्यमंत्री भूपेश बघेल के पहल अउ उंकर बिसेस प्रयास ले होवत हाबे। ये टूर्नामेंट के सबो मैच राजधानी रायपुर के मोवा के स्पोर्ट्स बैडमिंटन एरिना म खेले जात हावयं। ए प्रतियोगिता म पुरस्कार रकम 15 हज़ार अमेरिकी डॉलर तय करे गे हावय।

छत्तीसगढ़ म बीते 20 सितम्बर ले सुरू मुख्यमंत्री ट्रॉफ़ी इंडिया इंटरनेशनल बैडमिंटन चैलेंज-2022 म भारत समेत श्रीलंका, थाइलैंड, कनाडा, अमेरिका, मालदीव, मॉरीशस, समिलहा अरब अमीरात, मलेशिया, जापान, युगांडा अउ जाम्बिया के 550 बैडमिंटन खिलाड़ी भाग लेवइया के रूप म सामिल। ए बखत पुरुष एकल, पुरुष युगल, महिला एकल, महिला युगल अउ मिश्रित युगल श्रेणियों म मैच खेले जा रिहिन हावयं। इहां 20 अउ 21 सितम्बर के क्वॉलीफाईंग मैच। फेर मुख्य ड्रा के मैच। आज सेमीफाइनल के मैच खेले गे, काली सबो श्रेणियों मं  फाइनल मैच खेले जाही।

परिणाम : 

मुख्यमंत्री ट्रॉफी इंडिया इंटरनेशनल बैडमिंटन चैलेंज-2022 के सेमीफाइनल मुकाबल के परिणाम ए रकम ले रिहिन। एमे पुरूष एकल वर्ग सेमीफाइनल म शुभंकर डे (भारत) ह आदित्य जोशी (भारत) के 21-15, 11-21, 21-11 ले शिकस्त देके फाइनल म प्रवेश करिन। उहें प्रियांशु राजावत (भारत) ह यू इगारशी (जापान) के 21-16,21-15 ले पराजित करके फाइनल म पहुंचिस। ए तनि महिला एकल सेमीफाइनल के मैच म सामिया इमाद फारूकी (भारत) ह पहिली बर्वे (भारत) के 22-20, 21-15 ले हराया त तसनीम मीर (भारत) ह मालविका बंसोड़  (भारत) के 21-16, 14-21, 22-20 ले मात देके फाइनल म प्रवेश करिन हावय।

पुरुष युगल सेमीफाइनल के मैचों म कृष्णा प्रसाद गरागा अउ विष्णुवर्धन गौड़ पंजाला (भारत) के जोड़ी ह चालोएम्पोन चारोएनकिटामोर्न अउ नंथकर्ण योर्डफाइसोंग (थाईलैंड) के 12-21, 21-18, 21-14 ले हराया अउ ईशान भटनागर अउ साई प्रतीक. के. (भारत) के जोड़ी ह सिद्धार्थ एलंगो अउ टी. हेमा नागेंद्र बाबू (भारत) के 15-21, 21-12, 21-13 ले मात दीस अउ फाइनल म प्रवेश करिन हावय। ए तनि महिला युगल सेमीफाइनल मैच म पूजा दंडु अउ आरती सारा सुनिसल (भारत) के जोड़ी ह नव्या कांडेरी अउ रक्षित संतोष रामराजा सुब्रमण्यम (भारत) के 21-15, 13- 21, 21-13 ले हराकर फाइनल म प्रवेश करिन हावय।

मिश्रित युगल सेमीफाइनल के मैचों म रत्चापोल मक्कासासिथोर्न अउ चासिनी कोरपैप (थाईलैंड) के जोड़ी ह ईशान भटनागर अउ तनीषा क्रास्टो (भारत) के 21-15, 22-20 ले पराजित करके फाइनल म प्रवेश करिन हावय। रोहन कपूर अउ रेड्डी एन. सिक्की (भारत) के जोड़ी ह गौस शेख अउ मनीषा के (भारत) के 21-17, 21-13 शिकस्त देके फाइनल म अपन जगह बनाये हावय।