अंजोर.रायपुर। कृषि मंत्री रविन्द्र चौबे ह अपन निवास कार्यालय म इंदिरा गांधी कृषि विश्वविद्यालय, रायपुर डहर ले राज्य शासन के कृषि विभाग अउ आन राष्ट्रीय अउ अन्तर्राष्ट्रीय संस्था मन के सहयोग ले अगले महीना म 14 ले 18 अक्टूबर, 2022 तक आयोजित करे जाये वाला अन्तर्राष्ट्रीय कृषि मड़ई ‘एग्री कार्निवाल 2022’ के पोस्टर अउ ब्रोशर के विमोचन करिन। ए मउका म कृषि मंत्री चौबे ह किहिन के मुख्यमंत्री भूपेश बघेल के अगुवई म छत्तीसगढ़ सरकार राज्य म कृषि के विकास अउ किसान मन के बेहतरी के कृतसंकल्प हावय। ओमन किहिन के इंदिरा गांधी कृषि विश्वविद्यालय उन्नत कृषि प्रौद्योगिकी विकास अउ किसान मन के समृद्धि के खातिर राज्य सरकार के संग कदम मिलाके बुता करत हावय अउ कृषि विकास म जरूरी भूमिका निभात हावय।
चौबे ह किहिन के पांच दिवसीय अन्तर्राष्ट्रीय कृषि मड़ई के आयोजन एक सराहनीय प्रयास हावय, जेकर माध्यम ले किसान मन, पढ़ईया मन अउ सामान्य नागरिक के कृषि के नवा प्रौद्योगिकी, नवा अनुसंधान, नवाचार, फसल प्रसंस्करण अउ कीमत संर्वधन अउ उद्यमिता विकास के संबंध म नवा-नवा जानकारी मिले होही। येकर संग ही किसान मन, स्कूली पढ़ईया मन अउ सामान्यजन ल इंदिरा गांधी कृषि विश्वविद्यालय परिसर म संचालित उन्नत कृषि अनुसंधान के सउहे प्रदर्शन तको कराये जाही। जेकर ले वो कृषि के नवा तकनीक ले अवगत हो सकही। ए मउका म विधायक विनय भगत, धर्मजीत सिंह अउ श्रीमती ममता चन्द्राकर अउ इंदिरा गांधी कृषि विश्वविद्यालय के कुलपति डॉ. गिरीश चंदेल उपस्थित रिहिस।
इंदिरा गांधी कृषि विश्वविद्यालय के कुलपति डॉ. गिरीश चंदेल ह कृषि मंत्री के बताइन के इंदिरा गांधी कृषि विश्वविद्यालय रायपुर डहर ले राज्य शासन के कृषि विभाग, छत्तीसगढ़ बायोटेकनोलॉजी प्रमोशन सोसायटी, अन्तर्राष्ट्रीय चाउंर अनुसंधान संस्थान, फिलीपींस, नाबार्ड, कंसल्टेटिव ग्रुप ऑफ इन्टरनेशनल एग्रीकल्चरल रिसर्च, कृषि अउ प्रसंस्कृत खाद्य निर्यात विकास प्राधिकरण (एपीडा), एनएबीएल अउ आन संस्था मन के सहयोग ले 14 ले 18 अक्टूबर तक अन्तर्राष्ट्रीय कृषि मड़ई ‘‘एग्री कार्निवाल 2022’’ के आयोजन होही हावय,जेमा अन्तर्राष्ट्रीय अउ राष्ट्रीय स्तर के संस्थान के निदेशकों, कृषि वैज्ञानिक, आने-आने कृषि जिनिस निर्माता कंपनी के वरिष्ठ अधिकारी मन, स्टार्टअप्स उद्यमी अउ बड़े संख्या म प्रगतिशील किसान शामिल होही। ए मउका म एक वृहद अन्तर्राष्ट्रीय कृषि मेला सह -प्रदर्शनी के तको आयोजन करिन जाही। एग्री कार्निवाल के बखत सबोच दिन कृषक, पढ़इया लइका अउ आम नागरिक के खातिर विश्वविद्यालय के अनुसंधान प्रक्षेत्र म उगाई जा रेहे फसल मन अउ कृषि प्रदर्शनी के भ्रमण आयोजित करिन जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।