अंजोर.रायपुर। ग्रामीण क्षेत्र म लइका ल सहज-सरल तरीका ले शिक्षा दे के प्रारंभिक भाषा शिक्षण ‘मोरा आखर‘ कार्यक्रम संचालित करे जात हावय। ए कार्यक्रम के सुरू मुख्यमंत्री भूपेश बघेल ह गौरेला-पेण्ड्रा-मरवाही जिला म भेंट-मुलाकात कार्यक्रम के बखत 5 जुलाई 2022 के करे रिहिस। ये कार्यक्रम यूनिसेफ अउ रूम-टू-रीड संस्था के सहयोग ले चलाये जात हावयं। गौरेला-पेण्ड्रा-मरवाही जिला म कलेक्टर के बिसेस प्रयास ले 299 स्कूल म पुस्तकालय स्थापित करे गे हावय। कार्यक्रम के सफल क्रियान्वयन के खातिर 21 ले 24 सितम्बर तक चार दिवसीय मास्टर ट्रेनर के कार्यशाला आयोजित करे गे हावय।
मास्टर ट्रेनर्स कार्यशाला आने-आने तिथि म डाइट पेण्ड्रा अउ परियोजना प्रशासक कार्यालय गौरेला म आयोजित करे गिस। ए कार्यक्रम म यूनिसेफ डहर ले तकनीकी सहयोग दे जात हावय। कार्यशाला म यूनिसेफ अउ रुम-टू-रीड संस्था के शिक्षा विशेषज्ञ डहर ले प्रशिक्षण दे गिस। प्रशिक्षित मास्टर ट्रेनर्स गौरेला अउ पेण्ड्रा के प्राथमिक स्कूल के शिक्षक मन ल प्रशिक्षित करहीं। कार्यशाला म जिला अउ विकासखंड के अधिकारी तको उपस्थित रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।