अंजोर.कांकेर। कलेक्टर डॉ. प्रियंका शुक्ला ह जनपद पंचायत के मुख्य कार्यपालन अधिकारी मनके वीडियो कान्फ्रेसिंग के माध्यम ले वर्चुअल बइठक लेके गोधन न्याय योजनांतर्गत गउठान म गोबर खरीदी बढ़ाये के खातिर निर्देशित करत किहिन के जिला के सबो गउठान के सक्रिय करके, गोबर के खरीदी बढ़ाये जाये। सबोच गउठान म रोज कम से कम दू क्विंटल गोबर के खरीदी करे जावे, सनिच्चर अउ इतवार के तको गउठान म गोबर खरीदे के खातिर निर्देशित करे हावय।
गांव के सबो पशुपालक के पंजीयन करे के संग ही ओला गोबर बेचे के खातिर प्रेरित करे के निर्देश तको करे हाय। चारामा अउ कोयलीबेड़ा विकासखण्ड के सबो गउठान म गोबर खरीदी होए म उंकर डहर ले खुशी व्यक्त करे गिस। गउठान म संचालित बहुउद्देशीय गतिविधि (मल्टीएक्टीविटी) ल एन्ट्री करे के खातिर तको सबो जनपद सीईओ ल निर्देशित करे गिस।
गौमूत्र खरीदी के समीक्षा
जिला के दू गउठान कांकेर विकासखण्ड के गांव पोटगांव गउठान अउ चारामा विकासखण्ड के गांव भिरौद गउठान म करे जात गौमूत्र खरीदी के समीक्षा करत कलेक्टर डॉ. प्रियंका शुक्ला ह खरीदे गे गौमूत्र ले कीटनाशक (ब्रम्हास्त्र) बनाके ओला किसान मन ल बेचे के खातिर जनपद सीईओ चारामा अउ कांकेर के निर्देशित करिन। जनपद सीईओ चारामा अउ कांकेर ह बताइन के भिरौद गउठान म अब तक 1133 लीटर अउ पोटगांव गउठान म 407 लीटर गौमूत्र के खरीदी करे गे हावय, जेला ब्रम्हास्त्र बनाके बेचे जात हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।