अंजोर.धमतरी। शासन के निर्देश के मुताबिक सप्ताह के पहिली दिन सम्मार आमजनता के खातिर समर्पित होवत हावय। लोगन अपन समस्या लेके इहां पहुंचते हावयं अउ कलेक्टर के तीर अपन समस्या अउ मांग मन ल लेके आवेदन करत हावयं। जनसम्पर्क विभाग डहर ले सबोच सम्मार के मासिक पत्रिका जनमन के बाटे जाथे। इही क्रम म आज आए जिला कार्यालय म पहुंचिस आवेदन करइया ल जनमन पत्रिका के संग न्याय के छत्तीसगढ़ मॉडल नामक जिला विकास पुस्तक ल बाटे गिस कलेक्टर पी.एस. एल्मा के मार्गदर्शन म।
मिले आरो के मुताबिक धमतरी विकासखण्ड के गांव बागोडार ले पहुंचे आवेदन करइया विजय नेताम, दिनेश नेताम, निहालीराम ध्रुव अउ परदेशी यादव के ये पत्रिका फोकट म भेंट करे गिस। जब ओला बताइन गे के ये बिलकुल फोकट म हावय, त उन लोगन ह एक-एक अकताहा प्रति मांगीस, ताकि पड़ोसी अउ लइका ल तको एला सुलभ कराये जा सके। जनमन पत्रिका के उलट-पलट के नेताम ह किहिन के ये पत्रिका शासन के आइना हावय अउ एमे मुख्यमंत्री भूपेश बघेल के महत्वाकांक्षी योजना मन के झलक हावय। ओमन पत्रिका के काफी उपयोगी बतात आभार जताइस। इही रकम ले इही गांव के निवासी निहालीराम ह किहिन के मुख्यमंत्री के भेंट मुलाकात कार्यक्रम के जानकारी येकर ले मिलीस। ओमन ए कार्यक्रम के नवाचार बतात जनता ले सउहे संवाद के बढि़या माध्यम बताइन।
स्थानीय जालमपुर वार्ड अउ महिमासागर वार्ड ले अपन आने-आने मांग मनके आवेदन दे बर आये महिला मन जेन जैविक खातु तइयार करत हावयं, जनमन पत्रिका पाके उंकर चेहर खिलगे। ओमन एक पंथ अउ दू काज के संज्ञा देत किहिन के इहां वो आवेदन दे आये रिहिसं, फेर ये पत्रिका मिलगे। श्रीमती रामेश्वरी अउ शकुंतला देवी, गणेशिया बाई अउ झामिन बाई ह सरसरी तौर म पढ़त किहिन के पत्रिका ले ओला प्रदेस सरकार के आने-आने गतिविधी के जानकारी मिलीस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।