Mahasamund News : महासमुंद एसपी पटेल अधरतिहा खुद निकलिस, शहर म अपराध के रोकथाम अउ तिहार म शांति बेवस्था खातिर

अंजोर.महासमुंद। पुलिस अधीक्षक भोजराम पटेल आधा रात के खुदे निकलगे शहर म अपराध के रोकथाम, तिहार म शांति व्यवस्था रखे खातिर संदिग्ध वाहन के चेकिंग अउ कॉम्बिंग गश्त म। मिले आरो के मुताबिक ये मउका म दारू पाके गाड़ी चलइया अउ बिना नम्बर/रजिस्ट्रेशन के गाड़ी चलनइया उपर कार्यवाही करे गिस। पुलिस अधीक्षक सहित सबो थाना अउ चौकी प्रभारी डहर ले जिला म 1000 ले तको जादा संदिग्ध दू पहिया अउ चार पहिया गाड़ी के चेकिंग जिला म अपराध के रोकथाम अउ तिहार म शांति बेवस्था कायम रखे के उद्देश्य ले इतवार रतिहा पुलिस अधीक्षक भोजराम पटेल डहर ले यातायात डीएसपी अउ आन पुलिस अधिकारी/ कर्मचारी मनके संग महासमुंद क्षेत्र म कॉम्बिंग गश्त करिस। ए बखत स्वयं पुलिस अधीक्षक  डहर ले पुलिस बल के संग कोतवाली क्षेत्र म पैदल गश्त करे गिस। गश्त के बखत संदिग्ध मनखे या संदिग्ध जिनिस के जांच के खातिर  कांग्रेस चौक के पास दू पहिया अउ चार पहिया गाड़ी के सघन चेकिंग पॉइंट लगाके चेकिंग करे गिस।

इही रकम ले जिला म सबो थाना/चौकी प्रभारी डहर ले तको अपन हमराह पुलिस बल के संग रतिहा म अपन-अपन क्षेत्र म कॉम्बिंग गश्त अउ संदिग्ध वाहन के जाचं करिस। आने-आने क्षेत्र म 1000 ले जादा गाड़ी के चेकिंग करके चेकिंग रजिस्टर म इंद्राज करे गिस। चेकिंग डहर ले गाड़ी म क्षमता ले जादा सवारी बैइठे अउ बिना हेलमेट के वाहन चलाना, बिना लाइसेंस के वाहन चालन करे या दारू पीकर वाहन चलाये म आखरी चेतावनी देके पुलिस अधीक्षक डहर ले समझाइश देके छोड़े गिस।