रक्षाबंधन ल देखत मिठाई दुकान म होइस जांच, सैंपल भेजे गिस रायपुर राज्य खाद्य प्रयोगशाला

अंजोर.बीजापुर। कलेक्टर राजेन्द्र कुमार कटारा के निर्देश म एसडीएम बीजापुर पवन कुमार मयारू सहित खादय सुरक्षा टीम डहर ले जिला मुख्यालय म संचालित मिष्ठान दुकान के औचक निरीक्षण करे गिस। जेमा कन्हैया स्वीट्स, गणपति स्वीट्स, बालाजी बीकानेर स्वीट्स म निरीक्षण करके ग्राहक मनला गुणवत्ता युक्त मिष्ठान बेचे के समझाईस दीस। उहें साफ-सफाई म धियान देत मिठाई ल सही ढंग ले रख-रखाव सुनिश्चित करे ल किहिन। ए बखत खाद्य सुरक्षा अधिकारी अहसान तिग्गा ह बताइन के सबो दुकानदार ल गुणवत्ता युक्त मिठाई बेचे के समझाईस दीस।

कन्हैया स्वीट्स म खोवा ले बने मिठाई पेड़ा के जांच बर सैंपल ले गे हावय। सैंपल ल जांच बर राज्य खाद्य प्रयोग शाला रायपुर भेजे गे हावय रिर्पोट म अमानक पाए जाये म संबंधित दुकानदार के ऊपर उचित कार्रवाई करे जाही। ए बखत जिला खाद्य अधिकारी गणेश कुर्रे सहित अधिकारी-कर्मचारी उपस्थित रिहिस।