मुख्यमंत्री के निर्देश म हमर तिरंगा अभियान के जबर तइयारी

अंजोर.रायपुर। कार्यालय, प्रतिष्ठान सहित जिला म चार प्रमुख जगह म फहरही तिरंगा ये बखत पूरा देश आजादी के अमृत महोत्सव मनात हावय। मुख्यमंत्री भूपेश बघेल के अगुवाई म  हमर तिरंगा अभियान के आयोजन करे जात हावय। आजादी के 75वीं वर्षगांठ के पावन मउका म पूरा देश म आजादी के अमृत महोत्सव मनाये जात हावय। अवइया स्वतंत्रता दिवस ल खास बनाने के खातिर मुख्यमंत्री बघेल के आह्वान म राज्य म 11 अगस्त ले 17 अगस्त तक स्वतंत्रता सप्ताह के आयोजन करे जाही। येकर तहत राज्य म हमर तिरंगा अभियान के तहत हर गांव, हर शहर, हर घर म तिरंगा फहराये जाही अउ विविध कार्यक्रम तको आयोजित होही।

कोरिया जिला म तको अभियान के उत्साहपूर्वक तइयारी के जात हावय। मुख्यमंत्री के निर्देश के मुताबिक कलेक्टर कुलदीप शर्मा ह आज सोनहत विकासखंड के दौरा करके कटगोड़ी वॉच टावर के निरीक्षण करिन। हर घर तिरंगा अभियान के तहत इहां म जिला के सबले ऊंचा तिरंगा फहराया जाही। ए तिरंगा के ऊंचाई लगभग 30 मीटर होही। येकर संग ही जिला म झुमका बोट क्लब, झुमका आइलैंड अउ कोरियागढ़ पहाड़ म तिरंगा फहराये के कार्ययोजना तको बनाये जात हावय।

हर नागरिक के मन म राष्ट्र अउ राष्ट्रीय ध्वज के प्रति सम्मान के भावना ल अउ बढ़ाये, मातृभूमि के प्रति कृतज्ञता अउ राष्ट्रीयता के भावना के संवर्धित करे बर हर घर, शासकीय, अर्धशासकीय अउ निजी कार्यालय, शैक्षणिक संस्थान, व्यवसायिक-वाणिज्यिक प्रतिष्ठान, गैर सरकारी संगठन मन के कार्यालय म सम्मान के संग तिरंगा फहराये जाना हावय।