 |
| Kanker District News |
अंजोर.कांकेर। विश्व आदिवासी दिवस के मउका म प्रदेस के मुख्यमंत्री भूपेश बघेल ह वर्चुअल कार्यक्रम के माध्यम ले जिला के बिसेस पिछड़ी जनजाति अउ आन हितग्राही मनला वनाधिकार मान्यता पाती अउ वनाधिकार करजा पुस्तिका के बाटिस। आदिवासी वर्ग के हितग्राही ल टै्रक्टर प्रदाय करे गिस अउ एकलव्य अउ प्रयास आवासीय स्कूल के मेधावी पढ़ईया मनला प्रशस्ति पाती ले सम्मानित करे गिस अउ बिसेस पिछड़ी जनजाति कमार जाति के पॉच युवा मनला सरकारी नौकरी के नियुक्ति आदेश दे करे गिस, संग ही आने-आने विभाग के हितग्राही मनला सामान के तको बाटे गिस।
जिला पंचायत कांकेर के सभागार म आयोजित कार्यक्रम के मुख्य पहुना जिला पंचायत के अध्यक्ष हेमंत धु्रव ह हितग्राही मन के सामान के बाटिस अउ मेधावी पढ़इया लइका ल तको सम्मानित करे गिस। ए मउका म जिला के कलेक्टर डॉ. प्रियंका शुक्ला, वनमण्डलाधिकारी कांकेर आलोक बाजपेयी, जिला पंचायत सदस्य नरोत्तम पडोटी अउ नवली मीना मण्डावी, जिला पंचायत के मुख्य कार्यपालन अधिकारी सुमीत अग्रवाल, समिलहा कलेक्टर गौरीशंकर नाग, एसडीएम कांकेर धनंजय नेताम, परियोजना प्रशासक माखन सिंह धु्रव, आदिवासी विकास विभाग के सहायक आयुक्त श्रीकांत कसेर सहित आदिवासी समाज के लोगन बड़े संख्या म मौजूद रिहिस।
विश्व आदिवासी दिवस म उपहार, दू सगे भाई-बहन ल मिलिस सरकारी नौकरी
बिसेस पिछड़ी जनजाति कमार जाति के दू सगे भाई-बहन के खातिर विश्व आदिवासी दिवस बरदान साबित होइस। नरहरपुर विकासखण्ड के गांव गंवरसिल्ली निवासी रामदेव मरकाम अउ उंकर बहिनी कुमारी रामबती मरकाम ल सरकारी नौकरी के नियुक्ति आदेश दे गिस। कलेक्टर डॉ. प्रियंका शुक्ला के उपस्थिति म जिला पंचायत के अध्यक्ष हेमंत धुव्र डहर ले ओला नियुक्ति आदेश दे गिस। सरकारी नौकरी मिले म भाई-बहन रामदेव मरकाम अउ रामबती मरकाम ह प्रसन्नता व्यक्त करत मुख्यमंत्री भूपेश बघेल ल धन्यवाद देत आभार व्यक्त करिन।
विश्व आदिवासी दिवस के मउका म नरहरपुर विकासखण्ड के आने-आने गांव म निवासरत कमार जनजाति के तीन आन युवा मनला गांव बिहावपारा पोस्ट मुसुरपुट्टा के धरम सिंह, गांव बासनवाही पोस्ट कोटलभट्टी के दुकालू राम अउ गांव नयापारा पोस्ट दुधावा के धनकुमार नेताम के तको सरकारी नौकरी के नियुक्ति आदेश दे करे गिस। विश्व आदिवासी दिवस के मउका म सरकारी नौकरी पाके बिसेस पिछड़ी जनजाति के ये युवक बहुत खुश हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।