बलौदाबाजार म स्वतंत्रता दिवस के तइयारी के आरो लिस एडीएम

अंजोर.बलौदाबाजार। जिला म स्वतंत्रता दिवस के तइयारी जोरो म हावय। जिला मुख्यालय के म आयोजित होवइया मुख्य समारोह के जायजा लेवत बिहनिया अपर कलेक्टर राजेंद्र गुप्ता अउ एडिशनल एसपी पिताम्बर ह पंडित चक्रपाणि हाई स्कूल ग्राउंड पहुँचे रिहिस। ओमन बिहनिया अभ्यास करत पुलिस के जवान अउ एनसीसी कैडर लइका मन ले मुलाकात करके परेड के बखत मैदान म कोनो रकम ले होत समस्या के बारे म जानकारी लिस।

नगरीय निकाय अउ खनिज विभाग ल मैदान सूखा रखे खातिर निर्देशित करिन। संग ही ओमन लोक निर्माण विभाग,नगरीय अउ शिक्षा विभाग के  अधिकारी मनला 13 अगस्त तक शत परतिसत बेवस्था सहित तइयारी सुनिश्चित करे के निर्देश दे हावय। 13 अगस्त के बिहनिया 9 बजें आखरी रिहर्सल करे जाही। जानबा होवय के ए साल स्वतंत्रता दिवस आजादी के 75 वॉ अमृत महोत्सव के रूप म मनाये जात हावय। ए मउका म एसडीएम बजरंग दुबे,ईई वर्मा, सीएमओ राजेश्वरी पटेल सहित आन विभाग के अधिकारी गण उपस्थित रिहिस।