रायपुर। राष्ट्रपति निर्वाचन-2022 के तइयारी, सुरक्षा अउ सुव्यवस्थित अउ निर्विध्न संपादन बर मुख्य निर्वाचन पदाधिकारी के अध्यक्षता म कार्यालय मुख्य निर्वाचन पदाधिकारी के सभाकक्ष म बइठक आयोजित करे गे। बइठक म 18 जुलाई 2022 के राष्ट्रपति पद के खातिर होवइया मतदान के तइयारी के समीक्षा होइस।
मतदान बर छत्तीसगढ़ विधानसभा सचिवालय, रायपुर के समिति कक्ष क्रमांक-2 के मतदान केन्द्र बनाये गे हावय। मतदान के खातिर जरूरी निर्वाचन सामान नवा दिल्ली ले मिलही अउ मतदान पाछु सीलबंद मतपेटी अउ आन सामान नवा दिल्ली म ही जमा करे जाही। निर्वाचन सामान लाने अउ ले-जाये के खातिर हवाई रद्दा के उपयोग करे जाही। मतदान केन्द्र ले एयरपोर्ट तक सड़क रद्दा म पर्याप्त सुरक्षा बेवस्था के जाही। मतदान केन्द्र म मोबाइल फोन के उपयोग प्रतिबंधित रइही।
बइठक म अकताहा मुख्य निर्वाचन पदाधिकारी श्रीमती शिखा राजपूत तिवारी, सचिव अउ सहायक रिटर्निंग ऑफिसर (राष्ट्रपति निर्वाचन 2022) छत्तीसगढ़ विधानसभा दिनेश शर्मा, समिलहा मुख्य निर्वाचन पदाधिकारी बिपिन मांझी, कलेक्टर अउ जिला निर्वाचन अधिकारी रायपुर सहित अकताहा पुलिस अधीक्षक रायपुर, उपायुक्त जनसंपर्क संचालनालय, सहायक प्रबंधक स्वामी विवेकानंद अंतर्राष्ट्रीय विमानतल रायपुर उपस्थित रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।