महासमुंद। प्रदेस के 12 जिला म चिटफंड कंपनी परिसंपत्ति ल कलेक्टर डहर ले नीलामी करके रकम सकेले करे गे हावय। ये जिला म चिटफंड कंपनी म रकम निवेश करइया मनखे जेन महासमुंद जिला म निवास करत हो वो अपन पॉलिसी बाण्ड जमा करे गे मूल रसीद के पावती के संग जिला कार्यालय कलेक्ट्रेट म उपस्थित होके अपन रकम ले बर सम्पर्क कर सकत हावयं। जेन कंपनी के परिसंपत्ति के नीलामी करे गे हावय ओमा दुर्ग म कोलकाता वियर इंडस्ट्रीज प्राइवेट लिमिटेड दक्षिण गंगोत्री सुपेला भिलाई, एस.यू.एल. के (शुष्क) इंडिया कंपनी, राजनांदगांव म याल्को रियल स्टेट एंड एग्रो फार्मिंग लिमिटेड, शुभ सॉई देवकॉन कंपनी, रायपुर म गोल्ड के इन्फ्रावेंचर एंड डेसीड बेनिफिट फंड लिमिटेड अउ निर्मल इन्फ्रा होम कॉर्पोरेशन लिमिटेड भोपाल हावय।
इही रकम ले कोरबा म साई प्रसाद कम्पनी अउ मिलियन माइल्स इंफ्रास्ट्रक्चर एंड डेवलपर्स लिमिटेड कंपनी सामिल हावय। उहें धमतरी म सुविधा फार्मिंग एंड एलाइड कंपनी लिमिटेड, सुविधा डेवलपर्स कंपनी अउ क्रिएटिव इंडिया मल्टी स्टेट एग्रो परपज कोऑपरेटिव सोसायटी लिमिटेड, बिलासपुर म बी.एन. गोल्ड कंपनी, राजीव प्लाजा बिलासपुर बीएनजी ग्लोबल इंडिया प्राइवेट लिमिटेड कंपनी हावय। इही रकम ले राजनांदगांव म अनमोल इंडिया कंपनी अउ सहारा कंपनी के परिसंपत्ति के नीलाम करके रकम जमा करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।