हसदेव अरण्य क्षेत्र म पर्यावरण रक्षा खातिर विधानसभा म अशासकीय संकल्प, टीएस बाबा धरमजीत सिंह ल बधाई देत किहिन के कोल माइनिंग लीज निरस्त करय केन्द्र सरकार

अंजोर.रायपुर। विधानसभा म आज हसदेव अरण्य क्षेत्र म पर्यावरण रक्षा खतिर अशासकीय संकल्प पारित करे गिस। ये मउका अशासकीय संकल्प लाने खातिर स्वा स्थंय मंत्री टीएस सिंहदेव ह विधायक धरमजीत सिंह ल बधाई देवत किहिन के मुख्यमंत्री भूपेश बघेल, नेता प्रतिपक्ष धरमलाल कौशिक अउ अन्य दल के प्रमुख साथी विधायक ल सर्वसम्मति ले प्रस्ताव पारित करे खातिर बधाई अउ धन्यवाद।

अब ये माननीय प्रधानमंत्री नरेंद्र मोदी अउ केंद्र सरकार के जिम्मेदारी हाबे के छत्तीसगढ़वासी के मंशा के अनुरूप विधानसभा म पारित सर्वसम्मत अशासकीय संकल्प के अनुसार हसदेव अरण्य क्षेत्र के नवा कोल माइनिंग लीज़ ल निरस्त करय।