राष्ट्रपति श्रीमती द्रौपदी मुर्मू ले राज्यपाल सुश्री उइके ह भेंट करके दीस सुभकामना

अंजोर.रायपुर। देश के नव निर्वाचित 15वीं राष्ट्रपति श्रीमती द्रौपदी मुर्मू के शपथ ग्रहण बाद राज्यपाल सुश्री अनुसुईया उइके ह उंकर ले राष्ट्रपति भवन म मुलाकात करके सुभकामना दीस। राज्यपाल सुउइके ह राष्ट्रपति श्रीमती मुर्मू ले देश अउ प्रदेस के आने-आने विषय ल लेके विस्ता्र ले गोठबात करिस। राज्यपाल ह प्रदेस ले जुड़े कई जरूरी विषय अउ समस्या ले राष्ट्रपति के अवगत कराइन। राज्यपाल ह पेसा कानून के महत्ता के रेखांकित करत राष्ट्रपति ल बताइन के कई राज्य म पेसा कानून के नियम लागू नइ हावय। ओमन पेसा कानून ले जुड़े नियम के क्रियान्वयन के खातिर निर्देशित करे बर राष्ट्रपति ले गेलौली करिन। संग ही नगरीय क्षेत्र के खातिर मेसा कानून ले संबंधित विधेयक जेन संसद म लंबित हावय, ओला लघियात पारित कराये के गेलौली करिन। 

पेसा कानून के बने ले नगरीय क्षेत्र म आरक्षण संबंधी नियम विधिवत् लागू हो पाएंगे, जेकर ले जनजाति समुदाय के आरक्षण के वास्तविक लाभ मिल पाही। ’राज्यपाल सुश्री उइके ह पूर्वांचल के कई जिला ल जनजाति जिला घोसित करे जाये के जानकारी राष्ट्रपति ल देत किहिन के केन्द्र स्तर म बिसेस सहयोग ए आशय ले मिले रिहिस, जेकर ले ये जिला  म निवारसरत् जनजाति समुदाय ल लोगन सोज लाभान्वित। राज्यपाल सुश्री उइके ह छत्तीसगढ़ म मात्रात्मक त्रुटि के सेती कई जनजाति समुदाय के उंकर अधिकार नी मिले के बारे म राष्ट्रपति ल जानकारी दीस अउ येकर लघियात समाधान के खातिर अरजी करिन। राज्यपाल ह राष्ट्रपति श्रीमती मुर्मू के फेर धन्यवाद देत किहिन के तुँहर राष्ट्रपति बने ले जनजाति समुदाय म एक उम्मीद जागे हावय के अब उंकर अधिकार अउ हित ले जुड़े प्रयास ल गति मिलही। राज्यपाल ह संवैधानिक अधिकार के क्रियान्वयन संबंधी विषय ल तको प्रमुखता के संग राष्ट्रपति के तीर रखिस।