पारंपरिक ढ़ंग ले मनाये गिस हरेली तिहार, गौठान म सुरू होइस गौ-मूत्र के खरीदी

अंजोर.कांकेर। जिला म हरेली तिहार पारंपरिक ढ़ंग ले हर्षोल्लास के संग मनाये गिस। किसान मन डहर ले अपन कृषि उपकरण हल-जूड़ा, कुदाल, फावड़ा सहित आन कृषि उपकरण के पूजा करे गिस अउ गउठान म पारंपरिक कार्यक्रम जैसे-गेड़ी दौड़, कुर्सी दौड़, फुगड़ी, रस्सा-कस्सी, भौंरा, नारियल फेक अउ छत्तीसगढ़ी पारंपरिक व्यंजन उक के प्रतियोगिता आयोजन करे गिस। गउठान म आज ले प्रति लीटर 04 रूपिया के दर ले गौ-मूत्र के खरीदी तको सुरू हो गे। कांकेर विकासखण्ड के गांव पंचायत पोड़गांव अउ चारामा विकासखण्ड के गांव पंचायत भिरौद के गउठान म आज ले गौ-मूत्र के खरीदी विधिवत सुरू करे गिस। भिरौद के गउठान म आज 04 पशुपालक डहर ले 90 लीटर गौ-मूत्र ल बेचे गिस। इही रकम ले गांव पोड़गांव के गउठान म 05 पशुपालक ले 20 लीटर गौ-मूत्र के खरीदी करे गिस।

कलेक्टर डॉ. प्रियंका शुक्ला ह किहिन के शासकी के जेन तको योजना आती हावय, ओकर उद्देश्य लोगन ल समृद्धि जिना आगू बढ़ाना हावय। आप सब शासन के योजना मन के लाभ उठायें अउ आर्थिक रूप ले सक्षम बनें, जेन तको काम करें ओमा अपन सर्वश्रेठ दें। शासन डहर ले आज ले गउठान म गौ-मूत्र के खरीदी सुरू करे गे हावय, आप सबो गउठान म गोबर के संग गौ-मूत्र के तको बेचाही। उन्होंन किहिन के गौमूत्र ले महिला स्व-सहायता समूह के डहर ले कीटनाशक (ब्रम्हास्त्र) अउ जीवामृत (ग्रोथ प्रमोटर) तइयार करे जाही अउ तइयार कीटनाशक के 50 रूपिया प्रति लीटर के हिसाब ले  बेचे जाही। ओमन किहिन के रासायनिक खातु ले मजीन के उर्वरा क्षमता प्रभावित हो रही हावय अतः जैविक खातु के उपयोग करें। जैविक कीटनाशक बाजार म उपलब्ध रासायनिक कीटनाशक के एक अच्छा विकल्प साबित होही। येकर उपयोग करे के खातिर लोगन के जागरूक करे बर महिला स्व-सहायता समूह के उंकर डहर ले समझाईश तको दीस गिस।