कांकेर। डॉ. प्रियंका शुक्ला ह आज तहसील कार्यालय नरहरपुर अउ चारामा के आकस्मिक निरीक्षण करके तहसील कार्यालय के आने-आने कक्ष म जाके कर्मचारी मन डहर ले संपादित करे जात बुता अउ राजस्व प्रकरण के निराकरण के जानकारी लिस अउ समय-सीमा के भीतर प्रकरण के निराकृत करे के खातिर तहसीलदार ल निर्देशित करिन। ए बखत अपर कलेक्टर एस.पी. वैद्य अउ कांकेर एसडीएम धनंजय नेताम अउ चारामा एसडीएम सी.एल. ओंटी तको मौजूद रिहिस।
कलेक्टर डॉ. प्रियंका शुक्ला ह तहसील कार्यालय नरहरपुर के निरीक्षण के बखत जन्म-मृत्यु परमान पाती बनाये के खातिर तहसील कार्यालय म आवेदन ल देखके कारन पूछे म तहसीलदार ह बताइन के गांव पंचायत डहर ले 21 दिन के भीतर जनम परमान पाती जारी नइ करे म तहसील कार्यालय म आवेदन लगाये गे हावय। ए म ओमन सबो जनपदों के निर्देश प्रसारित करे बर अपर कलेक्टर एस.पी. वैद्य के निर्देशित करिन।
 |
| Kanker Collector Dr. Priyanka Shukla |
चारामा अउ नरहरपुर तहसील कार्यालय के निरीक्षण के बखत कलेक्टर डहर ले कानूनगो शाखा, नाजीर शाखा, रीडर कक्ष, तहसील न्यायालय कक्ष उकका अवलोकन करे गिस। कैश बुक, नकल पंजी, कोटवार अउ पटेल पंजी अउ जाति परमान पाती जारी करे के जानकारी लिस अउ दस्तावेज के अवलोकन करे गिस। राजस्व प्रकरण के निराकरण के जानकारी लेवत होए उंकर पंजी के अवलोकन करे गिस, जेमा कुछ प्रकरण म बार-बार पेशी दिये जाये म अप्रसन्नता व्यक्त करिन। ओमन सबो तहसील कार्यालय के नाजीर, कानूनगो अउ डब्ल्यू.बी.एम. अउ रीडर के प्रशिक्षण आयोजित करे के खातिर तको निर्देश दिये।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।