नई दिल्ली। भारतीय रेल डहर ले 23 जुलाई 2022 के नवा दिल्ली म सप्ताह भर के प्रतिष्ठित समारोह आजादी के रेलगाड़ी अउ स्टेशन के समापन समारोह आयोजित जाही। ए मउका म रेलमंत्री अश्विनी वैष्णव उपस्थित होही। वैष्णव वीडियो कॉन्फ्रेंस के माध्यम ले स्वतंत्रता सेनानी अउ उंकर परिवार के सदस्य मन ले गोठबात करही।
आजादी के अमृत महोत्सव समारोह के भाग के रूप म भारतीय रेल डहर ले 18 जुलाई ले 23 जुलाई तक एक सप्ताह के ‘आजादी के रेलगाड़ी अउ स्टेशन’ समारोह आयोजित करे जात हावय। समारोह के बखत 75 चिन्हित स्टेशन/27 रेलगाड़ी के स्वतंत्रता संग्राम म महत्ता ल देखाये गे हावय।
सबो क्षेत्रीय/मंडल अपन नामित स्टेशनों (सबो 75 स्वतंत्रा स्टेशन) समापन समारोह म वीडियो कॉन्फ्रेंस ले जोड़े जाही। महाप्रबंधक समारोह म वीडियो कॉन्फ्रेंस के माध्यम ले भाग लेही। ए संबंध म रेलवे बोर्ड ह सबो क्षेत्रीय रेल महाप्रबंधक ल पहिली ही लिखे हावय। सबो क्षेत्र/मंडल म उंकर नामित स्टेशन (सबो 75 स्वतंत्रता स्टेशन) के माध्यम ले दोतरफा कम्युनिकेशन लिंक के संग समारोह के लाइव स्ट्रीम करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।