अंजोर.गरियाबंद। गरियाबंद पुलिस कप्तान जे. आर. ठाकुर के डहर ले आज पुलिस लाइन गरियाबंद म छत्तीसगढ़ के पहिली तिहार हरेली के शुभ मउका म पुलिस लाइन गरियाबंद म जिला के अधिकारी/कर्मचारी अउ कोबरा बटालियन के अधिकारी/कर्मचारी के संग धूमधाम ले हरेली तिहार मनाये गिस।
कार्यक्रम के शुरुआत छत्तीसगढ़ महतारी के पूजा पाछु छत्तीसगढ़ के पारंपरिक औजार फावड़ा, गैती, कुदाली, कुल्हाड़ी के पूजा करके चीला रोटी चढ़ाके नारियल तोड़े गिस। संग ही संग पुलिस लाइन के प्रांगण म आने-आने रकम ले के फलदार अउ जायदाद पौधा लगाए गिस। ए बखत पुलिस कप्तान डहर ले कोबरा बटालियन के उपस्थित अधिकारी/कर्मचारीगण ल छत्तीसगढ़ के हरेली तिहार मनाए जाये के संबंध म विस्ता्र ले जानकारी दिस। पुलिस कप्तान डहर ले गेडी चढ़के अउ पुलिस जवान मन के तको गेडी चढ़े के खातिर प्रोत्साहित करे, संग ही संग कोबरा बटालियन के अधिकारी/कर्मचारी तको छत्तीसगढ़ के गेढ़ी के लुत्फ़ उठाइस।
कार्यक्रम म अकताहा पुलिस अधीक्षक चंद्रेश सिंह ठाकुर, अनुविभागीय अधिकारी पुलिस मैनपुर अनुज कुमार, रक्षित निरीक्षक उमेश राय अउ कोबरा बटालियन के अधिकारी/कर्मचारी अउ पुलिस जवान के अधिकारी/कर्मचारी सामिल रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।