 |
| हमर लैब |
कांकेर म अब एक ही छत के खल्हे मरीज मनके अलग-अलग 120 रकम ले स्वास्थ्य जांच के सुविधा मिलही। शहर के कमलदेव जिला चिकित म मुख्यमंत्री भूपेश बघेल ह आज अत्याधुनिक इंटीग्रेटेड ’हमर लैब’ के लोकार्पण करिन।
हमर लैब अत्याधुनिक उपकरण के संग एक इंटीग्रेटेड हेल्थ लैब हावय. इहां जांच ले संबंधित सबो संसाधन के उपयोग एक ठऊर म करत गुणवत्ता पूर्ण जांच सेवा मरीज मनके उपलब्ध कराये जाही। येकर ले मरीज मन के बाहिर महंगा दर म जांच के समस्या ले तको राहत मिलही।
हमर लैब म हेमेटोलॉजी ले सम्बंधित 15 रकम के जांच, क्लीनिकल पैथोलॉजी ले संबंधित 39 रकम ले के जांच, बायोकेमेस्ट्री के सम्बन्धित 42 रकम ले के जांच, सिरोलॉजी ले संबंधित 8 रकम के जांच, माइक्रोबॉयलोजी ले संबंधित 10 रकम ले के जांच के संग ही हिस्टोपैथोलॉजी अउ सायटोलॉजी ले संबंधित 6 रकम ले के जांच के सुविधा मिलही। येमा कैंसर अउ टीबी जइसे बीमारी के जांच तको सामिल हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।