जब तक बस्तरवासी सहमत नइ होही बोधघाट परियोजना सुरू नइ होवे

बोधघाट परियोजना

विकास बुता जन सरोकार ले जुड़े हावयं। बस्तर के लोगन जब तक सहमत नइ होही, बोधघाट परियोजना सुरू नइ होवे। ये बात मुख्यमंत्री ह कांकेर म आयोजित प्रेसवार्ता म पत्रकार ले गोठबात के बखत कहिन। मुख्यमंत्री ह किहिन के बस्तर म तेजी ले विकास बुता कराये जात हावयं। साढ़े तीन साल म बस्तर विकास के क्षेत्र म काफी आगू बढ़ा हावय। ग्रामीण विकास अउ खेती किसानी ल लेके शासन ह जेन फइसला लिये हावयं ओकर ले तेजी ले लोगन के आर्थिक स्थिति मजबूत होए हावय।

न्याय योजना मनके पइसा गांव वाला के खाते म आये हावय इही सेती हर भेंट मुलाकात म बैंक खोले संबंधी मांग जादा आत हावय। गाड़ी के खरीदी बढ़ गे हावय ट्रैक्टर, कार, बाइक के नवा  शो रूम तेजी ले खुलत हावयं। वनोपज संग्रहण के नीति ले तको सुखद बदलाव होइस हावय। महुआ के खरीदी बाढ़हे हावय। काजू ले लेके मिलेट्स अउ महुआ के कीमत संवर्धन होवत हाबे।  शिक्षा के क्षेत्र म स्वामी आत्मानंद इंग्लिश मीडियम स्कूल के माध्यम ले अउ स्वास्थ्य म हाट बाजार म मोबाइल मेडिकल यूनिट के माध्यम ले लोगन के बढि़या सुविधामिल पात हावयं।