अब राजा के बेटा राजा नहीं..., राजा उही बनही जेन हकदार होही

मुख्यमंत्री भूपेश बघेल

अंजोर.रायपुर,6 जून। एक फ़िल्म के डायलॉग हावय "अब राजा के बेटा राजा नइ बनही, राजा उही बनही जेन हकदार होही"। भले ये फिल्मी डायलॉग हावय फेर छत्तीसगढ़ म स्वामी आत्मानन्द इंग्लिश मीडियम स्कूल योजना एला सही साबित करत हावय । ए योजना ह साबित करके दे हावय के बढि़या शिक्षा म सबो के हक हावय।  मुख्यमंत्री भूपेश बघेल जब कांकेर के नरहरदेव सरकारी उत्कृष्ट हायर सेकेंडरी स्कूल पहुँचिस त उंकर ले दू सिंगल मदर आभार जतात होए भावुक हो गें।

आर्थिक अउ पारिवारिक परेशानी ले ग्रस्त माँ कइसे ए योजना ले लाभ मिले  हावय, बतात हावयं - मैं गुपचुप के ठेला लगाथ्वं । आमदनी मुश्किल ले 50 रूपिया दिन के। येकर पहिली घर-घर जाके काम करत रिहिस, लॉकडाउन म वोहू छूट गे। ससुराल वाला दहेज के खातिर प्रताड़ित करत रिहिस। पति दारू पीके मारपीट करत रिहिन, इतका जुलुम करे हावयं के सुरता तको नइ करना चाहवं। रूपा अपन कहानी बतात रो डरिस। वो आगू कहिन ' आप ही बतावो 15 सौ रूपिया महीना म का घर चलाही, का अपन लइका ल पढ़ा पाही। मैं जब ठेला लेके निकले हावं त लइका घर म रिहि येकर बेवस्था तको करना रिहिस। एक दिन कबाड़ी वाला ले तीन सौ रूपिया म एक टीवी खरीदीस ताकि लइका घर म बिजी रिहि अउ मैं काम म जा सकूं।