‘न्याय सब्बो बर-सब्बो डहर’ के ध्येय ल पूरा करत छत्तीसगढ़ सरकार

छत्तीसगढ़ सरकार

देश-दुनिया म छत्तीसगढ़ के पहचान बीते साढ़े तीन साल म गांव वाला अउ किसान मन के संग न्याय करइया राज्य के रूप म कायम होए हावय। मुख्यमंत्री भूपेश बघेल के अगुवई म छत्तीसगढ़ सरकार डहर ले ‘न्याय सब्बो बर-सब्बो डहर’ के ध्येय ल लेके योजना लागू करे जात हावयं अउ उंकर क्रियान्वयन तको तेजी ले करे जात हावय। राज्य के गांव वाला, किसान मन, मजदूर, गरीब मन अउ महिला मनके हित के रक्षा अउ ओला सीधा-सीधा लाभ पहुंचाये के खातिर छत्तीसगढ़ सरकार ह जेन फैसला ले हावयं। येकर सेती ले किसान, मजदूर अउ गांव वाला के जीवन म खुसयाली के नया दौर सुरू होगे हावय।

छत्तीसगढ़ सरकार ह बीते साढ़े तीन साल म अपन नीति ले ग्रामीण अउ किसान मनला न सिरिफ सम्मान ले जीये के मउका उपलब्ध कराइन हावय, बल्कि ग्रामीण अर्थव्यवस्था ल एक नवा गति दीस हावय। वास्तव म छत्तीसगढ़ सरकार के इही रणनीति छत्तीसगढ़ के विकास के मॉडल हावय, जेकर आज पूरा देश म गोठबात होत हावय। जानबा होवय के आने-आने वर्ग के खातिर ‘न्याय’ के कड़ी म छत्तीसगढ़ राज्य म गरीब ग्रामीण भूमिहीन परिवार के सोज आर्थिक मदद पहुंचाये के खातिर भारत रत्न पहिली प्रधानमंत्री स्वर्गीय राजीव गांधी के नाम ले “राजीव गांधी ग्रामीण कृषि मजदूर न्याय योजना” सुरू करे गिस।

ए योजना के शुभारंभ 3 फरवरी 2022 के सांसद राहुल गांधी ह करे रिहिस। राजधानी रायपुर के साइंस कॉलेज मैदान म योजना के शुभारंभ मउका म आयोजित भव्य समारोह म राज्य सरकार डहर ले योजना के तहत पात्र 3 लाख 55 हजार भूमिहीन किसानमजदूर मन के डीबीटी के माध्यम ले सोज उंकर बैंक खाता म रकम अंतरण करे गिस। तब राज्य सरकार ह हितग्राही परिवार ल हरेक साल 6 हजार रूपिया आर्थिक मदद दे के प्रावधान करिन, जेला वित्तीय साल 2022-23 ले 7 हजार रूपिया करके दे हावय। हितग्राही मनला साल 2022-23 के पहिली किश्त के रूप म 71 करोड़ 8 लाख 4 हजार रूपिया के रकम जारी तको कर गे हावय।