 |
| छत्तीसगढ़ महतारी के चित्र |
रायपुर। छत्तीसगढ़ के गौरवशाली संस्कृति ल बढ़ावा दे के प्रयास के तहत मुख्यमंत्री भूपेश बघेल ह एक जरूरी फइसला लेवत सबो सरकारी कार्यक्रम म छत्तीसगढ़ महतारी के चित्र ल प्रमुखता ले ठऊर दे के निर्देश दे हावयं।
मुख्यमंत्री ह ए संबंध म अपन ट्वीट म किहिन हावय के छत्तीसगढ़ के वैभव, संपन्नता हमर किसान मन ले हावय, उंकर खुसयाली म छत्तीसगढ़ महतारी के ही आशीर्वाद हावय। हमन छत्तीसगढ़ महतारी के चित्र ल सबो सरकारी कार्यक्रम म प्रमुखता ले ठऊर दे के फइसला लिस हावय, जेकर ले हमन ल हमर माटी के गौरवशाली इतिहास, संस्कृति के स्मरण हो सके। जानबा होवय के मुख्यमंत्री के पहल म सरकारी कार्यक्रम के शुरूआत राज्यगीत ‘अरपा पैरी के धार‘...... के संग करे जात हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।