जशपुर जिला म पर्यटन के संग चाय अउ कॉफी के खेती के अच्छा संभावना : डॉ. शिवकुमार डहरिया

Jashpur district tea and coffee cultivation

जशपुर। नगरीय प्रशासन, विकास अउ श्रम मंत्री डॉ.शिवकुमार डहरिया एक दिवसीय प्रवास म जशपुर पहुंचे रिहिस। ओमन मनोरा विकासखंड के सोगडा आश्रम पहुंच के मां सर्वेश्वरी के दरसन करके पूजा अर्चना के अउ छत्तीसगढ़ प्रदेस के सुख, समृद्धि अउ खुसयाली के कामना करिस। मंत्री डॉ. डहरिया ह किहिन के जशपुर जिला म पर्यटन के क्षेत्र म अपार संभावना हावयं इहां के किसान चाय, काजू, मिर्च, टमाटर अउ आन फसल मन के अच्छा पैदावार करत हावयं।

किसान मनके धान के अकताहा आन फसल ले के खातिर प्रोत्साहित करे के निर्देश अधिकारी मनला दिस। ओमन नगरीय निकाय के अधिकारी मनला शहर के साफ-सफाई अउ सौंदर्यीकरण म तको बिसेस धियान दे के खातिर किहिन हावय अउ शहर के नाली के अच्छा ले सफाई हो जेकर ले जल भराव के स्थिति नइ हो। येकर खातिर ओमन  अधिकारी मनला सरलग निगरानी करे के निर्देश दे हावयं।

ए मउका म पूर्व राज्य सभा सांसद पी.एल. पुनिया, संसदीय सचिव अउ कुनकुरी विधायक यूडी मिंज, विधायक जशपुर विनय भगत, जशपुर जनपद पंचायत अध्यक्ष श्रीमती कल्पना लकड़ा, पूर्व नगरपालिका अध्यक्ष हीरूराम निकुंज, कलेक्टर रितेश कुमार अग्रवाल पुलिस अधीक्षक राजेश अग्रवाल, अजय गुप्ता, सूरज चौरसिया, मनमोहन भगत अउ निलेश सिंह उपस्थित रिहिस।