Home News Contact About

विज्ञापन खातिर आरो करव-

jayantsahu9@gmail.com
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

Chhattisgarh Police : फेसबुक म आपत्तिजनक पोस्ट करे म होही गिरफ्तार, सोशल मीडिया मॉनिटरिंग सेल रखे हाबे नजर

Social Media Monitoring Cell Chhattisgarh Police : फेसबुक म आपत्तिजनक पोस्ट करे म होही गिरफ्तार, सोशल मीडिया मॉनिटरिंग सेल रखे हाबे नजर
Chhattisgarh Police 

रायगढ़। पाछु दिन थाना म सर्वधर्म, समुदाय के प्रतिनिधि मन के संग पुलिस  अधिकारी मनके बइठक म पुलिस  अधिकारी मन साफ करे रिहिस के सामाजिक सौहार्द बिगाड़ने वाला असामाजिक तत्व अउ सोशल मीडिया के माध्यम ले सौहार्द बिगड़े के कोशिश करही त उंकर खिलाफ सख्त कार्रवाई के जाही।

इही क्रम म एसपी अभिषेक मीना के दिशा निर्देशन म थाना कोतवाली म दर्ज मामला के आरोपी राजेश कश्यप उर्फ लीलाम्बर कश्यप ल कोतवाली पुलिस डहर ले अपराध कायमी के 24 घंटा के भीतर गिरफ्तार करके रिमांड म भेज हावय। आरोपी  राजेश कश्यप उर्फ लीलाम्बर कश्यप अपन फेसबुक अकाउंट ले एक आपत्जिनक पोस्ट करे गिस रिहिस। एएसपी लखन पटले बताइस के रायगढ़ पुलिस के सोशल मीडिया मॉनिटरिंग सेल,  सोशल मीडिया के हर प्लेटफार्म म निगरानी रखे हावय।

पुलिस अधीक्षक श्री अभिषेक मीना के दिशा निर्देशन म जिला के सोशल मीडिया मॉनिटरिंग सेल, सोशल मीडिया म पोस्ट करे मैसेज, फोटो, विडियो म निगाह रखे हावय। दिनांक 14.06.2022  के मॉनिटरिंग सेल म कार्यरत प्रधान आरक्षक राजेश पटेल डहर ले राजेश कश्यप नाम के बने फेसबुक आईडी ले पोस्ट करे गे वायरल विडियो के चिन्हांकित करे गिस। पोस्ट समाज म सौहार्द बिगाडने अउ प्रभाव डालने के उद्देश्य ले वायरल करे जाना पाये जाये ले प्रधान आरक्षक राजेश पटेल डहर ले थाना कोतवाली म संबंधित राजेश कश्यप म कार्रवाई के खातिर लिखित आवेदन दे गिस।

थाना कोतवाली म आरोपी म राजेश कश्यप उर्फ लीलाम्बर कश्यप म धारा 153 (ए) अउ 505 आईपीसी के तहत अपराध पंजीबद्ध करके उंकर निवास ठऊर  म दबिश देके आरोपी के हिरासत म लिस। आरोपी पूछताछ म आरोप स्वीकार करिन हावय, जेला घटना कारित मोबाइल के जप्ती के हावय। आरोपी राजेश कश्यप उर्फ लीलाम्बर कश्यप पिता श्याम लाल कश्यप 54 साल निवास पता एलआईजी 10 पीके तामस्कर हाउसिंग चक्रधरनगर रायगढ़ ल आज गिरफ्तार करके रिमांड म भेजा गे हावय।

कोई टिप्पणी नहीं:

एक टिप्पणी भेजें

जोहार पहुना, मया राखे रहिबे...

किस्सा कहिनी

सियानी गोठ

स्‍वामी/ प्रकाशक/ मुद्रक – जयंत साहू
संपादकीय कार्यालय – डूण्डा, सेजबहार रायपुर, छत्‍तीसगढ़ 492015
सिटी कार्यालय - प्रकाश मोबाईल सेंटर अमलीडीह (पानी टंकी के सामने), रायपुर छत्तीसगढ़
वाट्सअप- 9826753304
ई मेल : jayantsahu9@gmail.com
भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285