रामगढ़ महोत्सव : शोध संगोष्ठी अउ कवि सम्मेलन संग होही शुभारम्भ

Ramgarh Festival 2022

अम्बिकापुर। आषाढ़ के पहिली दिन के मउका म ऐतिहासिक जगह महाकवि कालिदास के रचना स्थली रामगढ़ म महोत्सव के शुभारंभ बिहनिया 11 बजे ले होही। जिला प्रशासन डहर ले महोत्सव के सबो तइयारी पूरा कर लिस गे हावय। पहिली दिन शोध संगोष्ठी के संग ही कवि सम्मेलन के आयोजन होही। अब तक करीब 25 शोधार्थी डहर ले अपन नामांकन कराये हावय। कलेक्टर श्री संजीव कुमार झा ह सोमवार के महोत्सव के तइयारी के जायजा लिस अउ  अधिकारी मनला जरूरी निर्देश दिस।

रामगढ़ महोत्सव म आने-आने विभाग डहर ले स्टाल लगाये जाही जेमा विभागीय योजना मनके आकर्षक प्रदर्शनी लगाये जाही। मेला जगह म दुकान के खातिर तको जगह चिन्हांकित करे गे हावय। मंच के साज-सज्जा के संग ही पहुना मन अउ देखइया मनके बइठक के बेवस्था करे गे हावय। देखइया दीर्घा म एलईडी टीवी लगाये गे हावय। विद्युत बेवस्था के खातिर उच्च क्षमता के जनरेटर के बेवस्था हावय। रामगढ़ म अगले दू दिन तक उल्लासपूर्ण वातावरण रइही।