 |
| Anganwadi worker recruitment | Women and Child Development |
बिलासपुर। महिला अउ बाल विकास विभाग डहर ले आंगनबाड़ी कार्यकर्ता के खाली पद म भरती करे जा हावय। नगर पालिका तखतपुर क्षेत्र के वार्ड क्रमांक 6 महामाया वार्ड के आंगनबाड़ी केंद्र म आंगनबाड़ी कार्यकर्ता के 1 खाली पद के खातिर आवेदन आमंत्रित करे गे हावय। आवेदन पाती एकीकृत बाल विकास परियोजना तखतपुर ले कार्यालयीन समय म ले जा सकत हाबे। आवेदन करे के आखरी तिथि 23 जून 2022 तक हावय। आवेदन पाती पंजीकृत डाक या सोज 23 जून तक एकीकृत बाल विकास परियोजना तखतपुर म कार्यालयीन समय म जमा कर सकत हावय।
कार्यकर्ता पद के खातिर केवल महिला मन ही पात्र होही। आवेदिका के उमर 18 ले 44 साल के बीच होना चाही। एक साल ले जादा के अनुभव रखइया कार्यकर्ता ल उमर सीमा म 3 साल के छूट दे जाही। आवेदिका उही वार्ड के स्थायी निवासी होना चाही, जेन वार्ड के खातिर वो ह आवेदन करत हावय। आवेदिका ल 12वीं पास होना चाही। अनुसूचित जाति अउ जनजाति वर्ग के आवेदिका के सक्षम अधिकारी डहर ले जारी करे जाति परमान पाती संलग्न करना अनिवार्य होही। आवेदिका डहर ले प्रस्तुत सबो अभिलेख अउ दस्तावेज स्व प्रमाणित होना चाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।