रायपुर म जल्दी मिलही एक्सप्रेस वे के सौगात : लोक निर्माण मंत्री

Public Works Minister gifted by Raipur Expressway

रायपुर। छत्तीसगढ़ के लोक निर्माण मंत्री ताम्रध्वज साहू ह किहिन के रायपुर के लोगन ल बहुत जल्दीद एक्सप्रेस वो के सौगात मिल जाही। श्री साहू ह किहिन हावय के एक्सप्रेस वे के बनाये के बुता आखरी चरण म हावय अउ जल्दी  ही एला जनता के नाम लोकार्पित कर दे जाही। लोक बनाये मंत्री श्री साहू ह बताइन हावय के छत्तीसगढ़ म पाछु साढ़े तीन साल म 1517 करोड़ रूपिया के लागत ले कुल 172 पुल बनाये गे हावय। एमे लगभग 548 करोड़ रूपिया के 17 नग आर.ओ.बी.,आर.यू.बी अउ फ्लाई ओवर सामिल हावयं।

श्री साहू ह किहिन हावय के प्रदेस म कोरोना संकट के बाद तको निर्माण बुता प्रभावित नइ होए अउ राज्य के जनता के आवागमन के सहूलियत के खातिर लोक निर्माण विभाग सरलग काम करे हावय। आम लोगन ल परेशानी नी हो इही सेती अब खराब सड़क के पैच रिपेयर कराये के बजाए पूरा सड़क म नया डामरीकरण कराये जात हावय ताकि सड़क मनके गुणवत्ता बने रिहि। श्री साहू ह किहिन हावय के प्रदेस म पहिली सिंगल लेन के सड़क के संख्या जादा रिहिस, फेर मुख्यमंत्री भूपेश बघेल के निर्देश के बाद अब ज्यादातर सिंगल लेन सड़क ल डबल लेन म बदल दे हावय ताकि आवागमन म कहूं कोनो समस्या नी रिहि अउ नागरिक के येकर ले लाभ मिलही।