Mahasamund Police : बड़का कार्यवाही, चनाट के जंगल म अवैध हाथ भट्ठी अउ 76 बोरी महुआ

अंजोर.महासमुंद। ग्राम चनाट के महिला समूह डहर ले चनाट के जंगल तरिया म अवैध हाथ भट्ठी अउ महुआ होए के सूचना म तुरते मउका म जाके तस्दीक करे गिस। बताये ठऊर म भट्ठी, महुआ 76 बोरी मिले म मउका म महिला समूह के उपस्थिति म नष्टीकरण करे गिस। मउका म चलित थाना लगे महिला समूह अउ गांव वाला के आने-आने कानूनी जानकारह ले तको अवगत कराइन। पुलिस अधीक्षक विवेक शुक्ला(भापुसे), अतिरिक्त पुलिस अधीक्षक के निर्देश अउ अनुविभागीय अधिकारी पुलिस, प्रशिक्षु थाना प्रभारी बसना निखिल रखेचा (भापुसे) के मार्गदर्शन म चौकी प्रभारी, सहायक उपनिरीक्षक अउ आरक्षक मन ये कार्यवाही म सामिल रिहिन।