अंजोर.धमतरी। पुलिस अधीक्षक धमतरी प्रशांत ठाकुर के निर्देश अकताहा पुलिस अधीक्षक धमतरी श्रीमती निवेदिता पॉल के मार्गदर्शन म उप पुलिस अधीक्षक श्रीमती सारिका वैद्य (आई.यू.सी.ए.डब्ल्यू.) के अगुवई म शक्ति टीम अउ बिरेझर चौकी पुलिस डहर ले अभिव्यक्ति महिला जागरूकता अभियान चलाये गिस।
महिला मनके सुरक्षा के खातिर अभिव्यक्ति एप छत्तीसगढ़ पुलिस विभाग डहर ले तइयार करे गे हावय। ए अभिव्यक्ति महिला सुरक्षा एप के माध्यम ले महिला मन ल तुरते मदद मिलही। यूजर के लोकेशन के हिसाब ले एसओएस बटन दबाते ही यूजर के पास लघियात पुलिस मदद पहुंचही। येकर अलावा ए एप के माध्यम ले महिला मन कहूं ले भी अपन शिकायत पुलिस के पास दर्ज करा सकही। शक्ति टीम ह महिला मनला बताइन के वो महिला सुरक्षा एप ले तुरते पुलिस के मदद कइसे पा सकत हावयं।
अभिव्यक्ति महिला सुरक्षा एप के बारे म प्रचार-प्रसार अउ उंकर इस्तेमाल ल लेके धमतरी पुलिस के शक्ति टीम पहुंचके महिला मन के मौजूदगी म येकर बारे म विस्ता्र ले जानकारी ले अवगत कराया। ओमन बताइन के ए एप के इस्तमाल के खातिर सबले पहिली महिला-बालिका ल अपन मोबाइल फोन म प्ले स्टोर ले अभिव्यक्ति महिला सुरक्षा एप डाउनलोड करना हावय।
एमे ओला साइन, अपन मोबाइल नंबर डालना हावय, ओटीपी आही ओला एप म डालना हावय, केवायसी अपडेट करना हावय, जेकर बाद महिला मन कभू भी ए एप के माध्यम ले अपन शिकायत अपलोड करके तुरते पुलिस के मदद ले सकत हावय।
शक्ति टीम अउ बिरेझर पुलिस डहर ले आज राष्ट्रीय ग्रामीण आजिविका मिशन निर्मल महिला कलस्टर संगठन बिरेझर के महिला मन के सुरक्षा के खातिर बने ‘अभिव्यक्ति’ एप के बारे म जानकारी देत एप के इस्तेमाल के बारे म अवगत कराइन। धमतरी पुलिस के शक्ति टीम ह धमतरी के भीड़-भाड़ वाला ठऊर मन म महिला मन ल छत्तीसगढ़ पुलिस के अभिव्यक्ति एप के बारे म अवगत कराइन।
शक्ति टीम के महिला पुलिसकर्मी ह महिला मनल किहिन के कहूं अवइया-जवइया के बखत कोनो रकम के समस्या या परेशानी होए म एप के इस्तेमाल करके पुलिस ल अवगत कराए यथासंभव पुलिस जल्दी आप तक पहुंचही अउ पुलिस मदद उपलब्ध होही।
ए बखत राष्ट्रीय ग्रामीण आजिविका मिशन निर्मल महिला कलस्टर संगठन बिरेझर के महिला मन अउ बिरेझर ले सउनि. श्रीराम पटेल, सउनि.डी.आर.नेताम,प्रआर. शेषनारायण पान्डेय मआर. त्रिवेंणी ध्रुव अउ शक्ति टीम ले शक्ति ले मआर. तनुजा कंवर,मआर.लक्ष्मी नागवंशी, मआर.कौशल्या गावडे सहित महिला मन जादा संख्या म उपस्थित रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।