केरल म महिला विधायक के राष्ट्रीय सम्मेलन म सामिल होइस छत्तीसगढ़ विधायक

अंजोर.रायपुर, 27 मई। छत्तीसगढ़ के महिला अउ बाल विकास मंत्री श्रीमती अनिला भेंड़िया केरल के राजधानी तिरूवनंतपुरम म आयोजित महिला विधायक के दू दिवसीय राष्ट्रीय सम्मेलन म सामिल होइस। केरल विधानमंडल तनि ले देश के आजादी के 75 साल पूरा होए के उपलक्ष्य म आजादी के अमृत महोत्सव के तहत 26 अउ 27 मई के देश के महिला विधायक मनके राष्ट्रीय सम्मेलन आयोजित करे गे हावय। सम्मेलन म महिला सशक्तिकरण, संविधान अउ महिला अधिकार, फइसला ले वाला निकाय म महिला मन के प्रतिनिधित्व अउ लोकतंत्र के शक्ति जइसे विषय म विचार मंथन करे गिस।

राष्ट्रीय महिला विधायक सम्मेलन म छत्तीसगढ़ ले धरसींवा विधायक श्रीमती अनिता योगेन्द्र शर्मा, संजारी बालोद विधायक श्रीमती संगीता सिन्हा अउ कसडोल विधायक सुश्री शकुंतला साहू, तखतपुर विधायक श्रीमती रश्मि आशिष सिंह, बैकुण्ठपुर विधायक श्रीमती अंबिका सिंह देव, पंडरिया विधायक श्रीमती ममता चंद्राकर सहित कई विधायक सामिल होइसं।