चुरपुर नहीं,मिरचा मीठ हावय : नरवा ह बदलीस कुरसो लाल के सरकारी नौकरी के चाह अब खेती म सवांरत जिनगी

अंजोर.रायपुर, 27 मई। मिर्ची आन चुरपुर होथे फेर मोर बर त बहुत मीठी हावय। पाछु 6 महीना म मिर्चा बेचके 4 लाख रूपिया कमाये हावयं। मोर खेत म पूरा सिंचाई नरवा (नाला) ले ही होए हावय। कोंडागांव जिला म बड़े कनेरा गांव के किसान कुरसो लाल अपन खेत कोति इशारा करत कहत हावयं के आप खुद देखे मोर खेत म मिर्चा के लहलहाती फ़सल। कुरसो लाल के खेत के पास ले ही मार्कण्डेय नाला गुजरे हावय, जेमा मुख्यमंत्री भूपेश बघेल के मंशा के मुताबिक नरवा विकास कार्यक्रम के तहत जल संरक्षण के खातिर नाला म ब्रश वुड चेक डेम, लूज बोल्डर चेक डेम, गेबियन संरचना, परकोलेशन टैंक ल बनाये हावय।

कुरसो लाल बतात हावयं के खेत के बगल म ही नरवा हावय। जेमा नरवा विकास कार्यक्रम के तहत बुता करे गे हावय, ए सेती ले नाला म अब साल भर पानी के भराव हावय। उहां ले पंप के जरिये खेत तक पानी लाये हावयं अउ ड्रिप इरिगेशन करत हाबे।

वइसे पढ़ाई लिखाई करे के बाद युवा मन म सरकारी नौकरी के चाहत म रिथे। कुरसो लाल के मन म तको रिहिस, फेर नरवा योजना ह उंकर मन अउ किस्मत बदल दीस। कुरसो लाल ह बताइन के बीएससी बायोलॉजी करे के बाद कुछ दिन नौकरी के खातिर कोशिश करिस, देखिस के खेत के बगल म ही नाला हावय अउ पड़ोसी तको अच्छा फसल लेत हावयं त काबर नइ सरकार के नरवा योजना के तहत लाभ उठाये जाए।