 |
| summer camp photo |
अंजोर.उत्तर बस्तर कांकेर,19 मई। स्वामी आत्मानंद इंग्लिश मिडियम स्कूल नरहरदेव उच्चतर माध्यमिक स्कूल कांकेर म जिला प्रशासन डहर ले 23 मई ले 07 जून 2022 तक समर कैंप ‘‘चाहतों के उड़ान’’ के आयोजन करे जाही। समर कैंप म कक्षा 5वीं ले 08 वीं तक के लइका मन प्रतिभागी के रूप म भाग ले सकही। समर कैंप के खातिर 100 सीट्स करार हावय, ‘‘पहले आओ, पहिली पाओ’’ के आधार म भाग लेवइया मन के रजिस्ट्रेशन 23 मई के बिहनिया 10:30 बजे ले मंझनिया 12 बजे तक करे जाही अउ रजिस्टेशन फीस 100 रूपिया करार करे गे हावय। कलेक्टर चन्दन कुमार ह पढ़ईया मनले गेलौली करिन के समर कैंप ‘‘चाहतों के उड़ान’’ म प्रतिभागी बनके अपन छुट्टी ल आनंदमयी बनाये के संग अपन अंदर छिपे बाल कलाकर ल एक नवा दिशा दे के खातिर समर कैंप म सामिल हो सकत हावयं।
शासकीय नरहरदेव उच्चतर माध्यमिक स्कूल के प्राचार्य ह जानकारी दे हावय के समर कैंप म आर्ट एडं क्राफ्ट, पेन्टिग, वेस्ट मटेरियल के उपयोग, मूर्ति कला, संगीत कला के ले नृत्य अउ गीत, मेहंदी अउ रंगोली, कम्प्यूटर प्रशिक्षण, स्पोकन इंग्लिश अउ क्रिएटिव रायटिंग, सेल्फ डिफेन्स स्किल अउ कैंप के बखत प्रतिभागी के व्यक्तित्व विकास के खातिर प्राथमिक चिकित्सा, सड़क सुरक्षा, बाल अधिकार बैंकिंग बुता प्रणाली अउ आपदा प्रबंधन जइसे जरूरी विषय म आने-आने संस्था मन के डहर ले कार्यशाला के आयोजन समर कैंप म करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।