 |
| farming training |
अंजोर.धमतरी,19 मई। बड़ौदा स्वरोजगार प्रशिक्षण संस्थान धमतरी म अवइया 25 मई ले मछली पालन के 60 दिवसीय फोकट म प्रशिक्षण दे जाही। आवासीय सुविधायुक्त ए प्रशिक्षण के खातिर 35 सीट आरक्षित हावयं। निदेशक, बड़ौदा आरसेटी ह बताइन के येकर खातिर 18 ले 45 साल तक के उमर के इच्छुक ग्रामीण बेरोजगार महिला अउ पुरूष आवेदन करइया 24 मई तक आवेदन करके सकत हावयं।
आवेदन के संग बीपीएल राशनकार्ड, शैक्षणिक योग्यता परमान पत्र, आधार कार्ड, मनरेगा जॉब कारड के फोटोकॉपी अउ पांच पासपोर्ट साईज के फोटो कम्पोजिट भवन के पाछु बड़ौदा आरसेटी म जमा करना होही। प्रशिक्षण के बखत मछलीपालन अउ अर्थव्यवस्था, विधि, मछली पालन के खातिर बीज, उत्पादन विधि, खाद्य सामग्री, मछली के आने-आने प्रजाति, संस्कृति, ताजा अउ खारा पानी कल्चर, अंतर्देशीय मछलीपालन, प्राकृतिक जलाशय मछलीपालन, मछली धरे के तकनीक अउ कला उक के संग उद्यमिता संबंधी जानकारी तको दे जाही। ए संबंध म जादा जानकारी के खातिर मोबाइल नंबर 88395-42410 अउ 97559-17024 म सम्पर्क करे जा सकत हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।