शासकीय आयुर्वेदिक कॉलेज म शुक्रवार के होही बिसेस मानसिक स्वास्थ्य ओपीडी

अंजोर
0

शासकीय आयुर्वेदिक कॉलेज म शुक्रवार के होही बिसेस मानसिक स्वास्थ्य ओपीडी

अंजोर.रायपुर,12 मई। प्रदेस के सरकारी आयुर्वेदिक कॉलेज अस्पताल रायपुर अउ बिलासपुर म हरेक शुक्रवार के बिसेस मानसिक स्वास्थ्य ओपीडी के संचालन करे जात हावय। आयुष संचालनालय के सहायक संचालक डॉ. विजय साहू ह बताइन के हरेक शुक्रवार के संचालित ए बिसेस ओपीडी म मानसिक समस्या ले जूझत मनखे मन ल आयुर्वेद के माध्यम ले उपयुक्त उपचार अउ स्वस्थ जीवन शैली सम्बंधित मार्गदर्शन फोकट म दे जाही। जरूरत  मुताबिक मरीज मन के पंचकर्म सेवा तको दे के जाही।

ओमन बताइन के सरकारी आयुर्वेदिक कॉलेज अस्पताल रायपुर अउ बिलासपुर म 1 अप्रैल 2022 ले सबोच शुक्रवार ये बिसेस ओपीडी संचालित करके मानसिक स्वास्थ्य ले पीड़ित मरीज मन के फोकट म जाँच करके उपचार करे जात हावय। अब तक ए बिसेस ओपीडी के माध्यम ले मानसिक स्वास्थ्य समस्या ले जूझत 136 मरीज मन के फोकट म उपचार करे गे हावय।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !