अंजोर.कोरबा,12 मई। जिला के पोड़ी-उपरोड़ा ब्लॉक के सुतर्रा ग्राम पंचायत के सड़कपारा आंगनबाड़ी केंद्र म आंगनबाड़ी कार्यकर्ता अउ सहायिका के खाली पद म भरती करे जाही। भरती के खातिर आवेदन के आखरी तिथि 24 मई तक रखे गे हावय। इच्छुक आवेदन करइया अपन आवेदन बाल विकास परियोजना केंद्र पोड़ी-उपरोड़ा म कार्यालयीन समय 11 ले 5 बजे तक जमा कर सकत हावयं।
आंगनबाड़ी कार्यकर्ता के पद म भरती के खातिर उमर सीमा 18 ले 44 साल रखे गे हावय। यदि इच्छुक आवेदन करइया कार्यकर्ता, सहायिका के पद म 1 साल या जादा सेवा के अनुभव रखत हावयं त ओला 3 साल के छूट दे जाही। भरती के खातिर आवेदन करइया ल उही गांव के निवासी होना चाही जेन गांव म आंगनबाड़ी केंद्र हाबे।
आंगनबाड़ी कार्यकर्ता अउ मिनी आंगनबाड़ी कार्यकर्ता के पद के खातिर 12वीं या 11वीं परीक्षा पास आवेदन करइया ही आवेदन कर सकत हावयं। इही रकम ले आंगनबाड़ी सहायिका पद के खातिर आठवीं बोर्ड परीक्षा पास होना अनिवार्य हावय। आवेदन पत्र के प्रारूप अउ आवेदन प्रक्रिया के संबंध म विस्तार ले जानकारी पोड़ी-उपरोड़ा परियोजना कार्यालय ले पा सकत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।