अंजोर.जगदलपुर,26 मई। मुख्यमंत्री भूपेश बघेल छत्तीसगढ़ के पहिली फीफा एप्रूव्ह सिंथेटिक फ़ुटबाल ग्राउंड विथ रनिंग ट्रैक के उद्धाटन करिस। जगदलपुर प्रियदर्शिनी इंदिरा स्टेडियम के फ़ुटबाल मैदान के फ़ीफ़ा ह अंतरराष्ट्रीय मानक के प्रमाण-पत्र जारी करिन हावय।
मुख्यमंत्री ह प्रियदर्शिनी स्टेडियम म 44 करोड़ 54 लाख ले जादा रकम के 19 विकास बुता के लोकार्पण अउ 11 करोड़ 88 लाख ले जादा रकम के 08 विकास बुता के शिलान्यास करिन बस्तर म ग्रास रूट लेबल म सामुदायिक फुटबॉल के अउ जादा लोकप्रिय बनाये के खातिर ओडिशा भुवनेश्वर के आर्डोर फुटबॉल अकादमी, बस्तर जिला फुटबॉल संघ अउ बस्तर जिला प्रशासन के बीच एमओयू करे गिस। येकर ले बस्तर के खिलाड़ी ल राष्ट्रीय स्तर के प्रशिक्षक उपलब्ध हो सकही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।