इश्क मा रिस्क हे म अनिकृति चौहान अउ मन कुरैशी के जोड़ी फेर हिट, सिनेमाघर म उमड़त हाबे भीड़ अउ प्रमोशन करत कलाकार ल अपन बीच पाके दर्शक गदगद

अंजोर
0

इश्क मा रिस्क हे म अनिकृति चौहान अउ मन कुरैशी के जोड़ी फेर हिट, सिनेमाघर म उमड़त हाबे भीड़ अउ प्रमोशन करत कलाकार ल अपन बीच पाके दर्शक गदगद

अंजोर.सिनेमा। छत्तीसगढ़ी फिलिम ‘इश्क मा रिस्क हे’ ल दर्शक मनके गजब मया दुलार मिलत हाबे। येमा सबले जादा मन कुरैशी अउ अनिकृति चौहान के जोड़ी ल पसंद करे जात हाबे। येकर पहिली मन अउ अन्नी के जोड़ी ‘हंस झन पगली फंस’ जबे म दमदार अदाकारी ले सुपरहिट साबित होए रिहिस अब इश्क मा रिस्क हे म तको उही अंदाज दिखत हाबे। हांलाकि अभी सिनेमाघर म ओतका हाउसफूल शो नइ चलत हाबे, तभो ले लोगन मन के मानना हावय के फिलिम अभी चलही।

फिलिम के प्रमोशन म कलाकार मन रोजेच कोनो-कोनो शहर के सिनेमाघर म पहुंचत हाबे। दर्शक मन के संग कलाकार मन तको फिलिम के आनंद लेथे अउ बाद म फोटो तको खिचाथे, फिलिम के नायक, नायिका अउ आन कलाकार मन ला अपन बीच पाके दर्शक मन भारी गदगद होवत हाबे। फिलिम के प्रमोशन म निर्देशक आलेख चौधरी के संग मन कुरैशी, अनिकृति चौहान के संग आन कलाकार मन तको समय देवत हाबे। 

अभी छत्तीसगढ़ी एक अऊ फिलिम चलत हाबे ‘मार डारे मया म’ जेमा अनुज शर्मा अउ लिप्सा मिश्रा के जोड़ी के शानदार अदाकारी हावय। इहू फिलिम बने चलत हाबे, कुछ दिन बाद अनिकृति अउ दिलेश साहू के ‘चल हट कोनो देख लिही’ तको अवइया हावय। अइसन म तीन महीना के भीतर ही तीन बड़े फिलिम के आना छॉलीवुड के बने दिन ल देखावत हाबे। फेर येमा कोन ल नफा अउ कोन नकसान हाबे येतो अवइया बखत बताही। अनुज शर्मा, मन कुरैशी अउ दिलेश म कोन बनही सुपर स्टाबर यहू बात दर्शक मन बताही, फिल्हाल आप मन भी छत्तीसगढ़ी फिलिम देखे बर सिनेमाघर आवा।  

  • फिल्म - इश्क म रिस्क हे 
  • निर्देशक - आलेख चौधरी 
  • निर्माता - लक्ष्मीनारायण जायसवाल
  • प्रोडक्शन - लायरा प्रोडक्शन 
  • कलाकार - मन कुरैशी, अनिकृति चौहान, संजय बत्रा, रजनीश झांझी, हेमलाल कौशल, क्रांति दीक्षित, मनीषा वर्मा, निशांत उपाध्याय, उपासना वैष्णव, पुष्पांजलि शर्मा, संगीता निषाद, उषा विश्विकर्मा 
  • पटकथा संवाद - तौसिफ खान 
  • गीतकार - विजय सिंह, संजय सुरीला, नवलदास मानिकपुरी, चंद्रप्रकाश, रवि रंगारी
  • संगीत - सुनील सोनी 
  • पार्श्व गायक - सुनील सोनी, अल्का चंद्राकर, संजय सुरीला, राकेश शर्मा, संजू बघेल
  • कोरियोग्राफर - निशांत उपाध्याय, चंदन दीप 
  • छायांकन - तोरण राजपूत

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !