अंजोर.बिलासपुर, 17 अप्रैल। सरगुजा संभाग के 1857 के क्रांति म योगदान विषय म कमिश्नर बिलासपुर अउ इतिहासकार डॉ संजय अलंग के वार्ता के प्रसारण 20 अप्रैल के रायपुर दूरदर्शन ले करे जाही। ये वार्ता 20 अप्रैल बुधवार के संझा 6 बजे डीडी फोकट म डिश अउ डिश टीवी के चैनल नम्बर 718 म प्रसारित होही। प्रसारण के बाद एला यू ट्यूब म तको देखे जा सकही। रायपुर दूरदर्शन के टीम ह ए संदर्भ म डॉ अलंग ले वार्ता के रिकार्डिंग के काम सनिच्चर के पूरा कर लिस हावय। जानबा होवय के डॉ अलंग ह छत्तीसगढ़ के इतिहास, संस्कृति अउ जन-जीवन म आधारित कई किताब लिखे हावयं। ओला उत्कृष्ट अउ शोधपरक लेखन बुता के खातिर केऊ पुरस्कार ले नवाज़ा तको गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।