खैरागढ़ संगीत विश्वविद्यालय के तर्ज म बस्तर, सरगुजा अउ रायपुर म लोककला अउ संस्कृति कॉलेज

• सतरेंगा, गंगरेल अउ चित्रकूट म खुलेंगे बजट होटल
• विशेष संरक्षित जनजाति के भाषा म स्वास्थ्य, शिक्षा अउ योजना खातिर जन जागरूकता अभियान  
• ऐतिहासिक अउ पुरातात्विक धरोहर, पर्यटन जगह म पर्यटक ल खातिर विकसित करे जाएं सुविधा

अंजोर.रायपुर, 19 अप्रैल। मुख्यमंत्री भूपेश बघेल ह प्रदेस के कला अउ संस्कृति के संरक्षण अउ संवर्धन के खातिर इंदिरा कला संगीत विश्वविद्यालय खैरागढ़ के तर्ज म बस्तर, सरगुजा अउ रायपुर म लोककला अउ संस्कृति कॉलेज सुरू करे के प्रस्ताव तइयार करे संस्कृति विभाग ल निर्देश दे हावयं। मुख्यमंत्री ह किहिन के ये कॉलेज मन के सुरू होए ले बस्तर अउ सरगुजा अंचल के लोककला अउ संस्कृति के संरक्षण अउ संवर्धन ल बढ़ावा मिलही। ओमन इंदिरा गांधी राष्ट्रीय जनजातीय विश्वविद्यालय अमरकंटक के एक सेंटर छत्तीसगढ़ म सुरू करे के प्रस्ताव केन्द्र ल भेजने के निर्देश तको दिस। मुख्यमंत्री इहां अपन निवास कार्यालय म समीक्षा बइठक के क्रम म पर्यटन अउ संस्कृति विभाग के काम-काज के समीक्षा करत रिहिन रिहिस।

बइठक म गृह अउ पर्यटन मंत्री ताम्रध्वज साहू, संस्कृति मंत्री अमरजीत भगत, छत्तीसगढ़ पर्यटन मंडल के अध्यक्ष अटल श्रीवास्तव, उपाध्यक्ष श्रीमती चित्ररेखा साहू, मुख्य सचिव अमिताभ जैन, अपर मुख्य सचिव सुब्रत साहू, पर्यटन अउ संस्कृति विभाग के सचिव अन्बलगन पी., मुख्यमंत्री के सचिव सिद्धार्थ कोमल सिंह परदेशी, संचालक संस्कृति विवेक आचार्य, छत्तीसगढ़ पर्यटन मंडल के प्रबंध संचालक अनिल साहू, मुख्यमंत्री सचिवालय म उप सचिव सुश्री सौम्या चौरसिया सहित विभाग के वरिष्ठ अधिकारी उपस्थित रिहिस।