महेंद्र कर्मा विश्वविद्यालय के तीसरा दीक्षांत समारोह उरकीस

अंजोर.रायपुर 05 मार्च। राज्यपाल सुश्री अनुसूईया उइके आज बस्तर शहीद महेंद्र कर्मा विश्वविद्यालय के तीसरा दीक्षांत समारोह म सामिल होइस। राज्यपाल सह कुलाधिपति सुश्री अनुसुईया उइके डहर ले दीक्षांत के गरिमामयी मउका म 95 पढ़ईया मन के स्वर्ण पदक ले सम्मानित करिन। संग ही साल 2019-20 अउ 2020-21 म पास स्नातक अउ स्नातकोत्तर के पढ़ईया मन के उपाधि दे गिस।

राज्यपाल सुश्री अनुसुईया उइके ह 95 पढ़ईया मन के दीस स्वर्ण पदक

राज्यपाल सुश्री उइके ह दीक्षांत समारोह ल संबोधित करत किहिन के पदक मिलइया पढ़ईया मन म लगभग 75 फीसदी बालिका हावयं, जेन ए बात के आरो आए के बेटी मन कोनो तको क्षेत्र म पाछु नइ हावयं। ये अपन दक्षता, क्षमता अउ प्रतिबद्धता ले नवा भारत के गाथा लिखे ल तइयार हावयं। सुश्री उइके ह किहिन के प्रकृति के सुरम्य गोद म बसे बस्तर के पढ़ईयाकोरोना जइसे कठिन परिस्थिति म तको अपन लक्ष्य के प्रति अडिग रिहिन अउ अपन अथक मेहनत अउ साधना ले वांछित लक्ष्य मिले।