डॉ. गिरीश चंदेल इंदिरा गांधी कृषि विश्वविद्यालय के नवा कुलपति

अंजोर
0
dr girish chandel : igkv

अंजोर.रायपुर, 24 फरवरी। राज्यपाल अउ कुलाधिपति सुश्री अनुसुईया उइके ह डॉ. गिरीश चंदेल, विभागाध्यक्ष, डिपार्टमेंट ऑफ प्लांट मॉलिक्यूलर बॉयोलॉजी अउ बॉयोटेक्नोलॉजी, इंदिरा गांधी कृषि विश्वविद्यालय रायपुर ल इंदिरा गांधी कृषि विश्वविद्यालय के कुलपति नियुक्त करे हावय। ये नियुक्ति इंदिरा गांधी कृषि विश्वविद्यालय अधिनियम, 1987 (क्रमांक 20 सन् 1987) के धारा 14 के उपधारा (1) म प्रदत्त शक्ति के प्रयोग करत करे गे हावय। ए संबंध म आज आदेश जारी करे गिस।

जानबा होवय के डॉ. गिरीश चंदेल, देश के प्रख्यात पौधा प्रजनक अउ जैव प्रौद्योगिकी के वैज्ञानिक हावयं। छत्तीसगढ़ के सिमगा, हथबंद के ग्राम-कुकरा चुन्दा के मूल निवासी डॉ. चंदेल के कृषि शिक्षा अनुसंधान अउ विस्तार प्रबंधन के 30 साल के अनुभव हावय, जेमा 07 साल के अनुभव बिसेस रूप ले सूखा अउ पोषण अनुसंधान के खातिर अत्याधुनिक स्टेट ऑफ आर्ट बुनियादी सुविधा ल बनाये अउ पोषण प्रबंधन म हावय। डॉ. चंदेल के अंतर्राष्ट्रीय स्तर म अनुसंधान अउ विकास बुता के वृहद अनुभव हावय। ओमन इंटरनेशनल जेनेटिक इंजीनियरिंग अउ बॉयोटेक्नोलॉजी सेंटर म पीएच.डी. फेलो अउ इंटरनेशनल राईस रिसर्च इंस्टीट्यूट म विजिटिंग वैज्ञानिक के रूप म बुता करे हावय।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !