‘चल हट कोनो देख लिही’ के पहिली पोस्टर आगे, फिल्म रिलीज होही 13 मई के

सिनेमा। छत्तीसगढ़ी फिलिम ले मया करइया मन सतीश जैन के बनाये फिलिम ल गजब मया-दुलार देथे। ओमन के अब तक के सबो फिलिम बनेच चले हाबे। पाछू बच्छर ‘हंस झन पंगली फंस जबे’ हिट फिलिम रिहिस जेमा मन कुरैशी अउ अनिकृति चौहान के जोड़ी गजब धमाल करे रिहिस। निर्माता छोटे लाल साहू अउ निर्देशक सतीश जैन के नवा फिलिम चल हट कोनो देख लिही के पहिली पोस्टर लॉच करे गिस। ये फिलिम म अभिनेत्री अनिकृति के संग दिलेश साहू ल ले हावय। मिले आरो के मुताबिक फिलिम म 13 मई के रिलीज होही।