भूमकाल दिवस : आदिवासी जननायक अमर शहीद गुंडाधुर ल नमन करिस मुख्यमंत्री श्री भूपेश बघेल

Gundadhur

अंजोर.रायपुर, 10 फरवरी। मुख्यमंत्री भूपेश बघेल ह अपन निवास कार्यालय म भूमकाल सुरता दिवस म अमर शहीद आदिवासी जननायक गुंडाधुर के चित्र म पुष्प अर्पित करके ओला नमन करिन। मुख्यमंत्री श्री बघेल ह अमर शहीद गुण्डाधुर के सुरता करत किहिन के आजादी के पहिली अंग्रेज के अत्याचार के खिलाफ छत्तीसगढ़ के आदिवासी क्षेत्र म तको विरोध के स्वर उठे रिहिस। ए विरोध ल बुलंद करे म आदिवासी जननायक ह जरूरी भूमिका निभाईस अउ अपन सर्वस्व न्यौछावर कर दीस। इही जननायक मन म ले एक अमर शहीद गुंडाधुर के अगुवई म सन् 1910 म बस्तर म होए भूमकाल विद्रोह म आदिवासी मन ह जल, जंगल अउ जमीन के खातिर अंग्रेजी हुकूमत के खिलाफ डटके संघर्ष करिन। आदिवासी चेतना के चिन्हारी के रूप म शहीद गुंडाधुर जनमानस म हमेशा जीवित रइही। उंकर बलिदान हमेशा आदिवासी के शोषण के विरूद्ध आवाज बुलंद करे के साहस देत रइही।